धनगढी, २३ चैत/कैलालीको धनगढी उपमहानगरपालिकाका बालबालिकाहरूलाई टाइफाइड विरुद्धको खोप लगाइने भएको छ । आजदेखि नगरका १५ महिनादेखि १५ वर्ष उमेर समूहका करिब ५७ हजार ७ सय ८२ बालबालिकाहरुलाई खोप लगाइने उपमहानगरपालिकाको स्वास्थ्य शाखाले जनाएको छ । 
खोप अभियान वैशाख २ गतेसम्म सञ्चालन हुने धनगढी उपमहानगरपालिकाका स्वास्थ्य शाखा प्रमुख कृष्ण बोहराले बताए ।  खोप अभियानका लागि १३२  खोप केन्द्रमा ३३० महिला स्वास्थ्य संयमसेविका र ८६ स्वास्थ्यकर्मी खटाइने गरिने उनले बताए ।
खोप लगाएको ठाउँमा रातो हुने, चिलाउने, सामान्य ज्वरो आउने लगायतका समस्या देखिए पनि जटिल समस्या नआउने भएकाले खोप अभियानमा सरिक हुन उपमहानगरपालिकाको स्वास्थ्य शाखाले अनुरोध गरेको छ ।
खोप अभियानका लागि ८६ स्वास्थ्यकर्मी र ३ सय ३० स्वयंसेवक परिचालन गरिने जनाइएको छ । अभियानका लागि १ सय ३२ खोप केन्द्र तोकिएका छन । खोप केन्द्र विद्यालय, स्वास्थ्यचौकीमा राखिएका छन ।