धनगढी ७ चैत । धनगढी उपमहानगरपालिकाले हिसा पीडित महिलाका लागि केही समयका लागि आश्रय स्थल ‘सेभ हाउस’को शुभारम्भ गरेको छ । सोमबार धनगढीमा एक कार्यक्रमका बिच धनगढी उपमहानगरपालिकाका मेयर नृपबहादुर वड र उपमेयर शुसिला मिश्र भट्टले संयुक्त रुपमा उद्घाटन गरी शुभारम्भ गरेका हुन् ।

‘महिला दिदिबहिनीहरु समयमा न्याय नपाएर घर तथा अफन्त बाट एक्लियर आपतमा परेका समयमा निकै उपयोगि बन्नेछ’ धनगढी उपमहानगर पालिका प्रमुख नृप बहादुर वडले भने– ‘असुरक्षित महिलाहरुलाई केही समय भएपनि सुरक्षित राख्न सकिन्छ ।’

हिंसा पिडित दिदीबहिनीहरुलाइ केही समयका लागि सुरक्षीत रुपमा राखी समुदायमा फर्किन सक्ने वातावरण बनाउन ‘सेभ हाउ’ बनाएको बताए । पछिल्लो समयमा महिला हिंसाका घटना बढ्दै गएकोले महिला अधिकार सुनिश्चित गर्न यो अभियान थालेका हौ ।

पीडामा परेका महिलाहरुले घरबार बिहिन भएको अवस्थामा केही समयका लागि सेभ हाउस निकै उपलब्धीपुर्ण हुने बताउदै धनगढी उपमहानगरपालिकाकी उपमेयर शुसिला मिश्र भट्टले यो महिलाहरुको मनोबैज्ञानिक रुपमा शसक्त बनाई घर पुर्नस्थापना गरिने छ ।

महिला हिंसाका शिकार भएका महिलाको मनोबल घट्दैन पछि पीडा सहन नसकेर आत्माहत्या समेत गरेको घटना समाजमा व्याप्त रहेको उपमेर भट्टले बताईन् । सेभ हाउसमा राखेर काउन्सिल गर्दा पिडित महिलाहरुको आत्मबल बढ्ने केही कुरा सिकाई महिलाहरु आत्मनिर्भर बनाउने सेभ हाउसको लक्ष्य रहेको उपमेयर भट्टको भनाई छ ।