धनगढी,९फागुन। कैलालीको धनगढी उपमहानगरपालिकामा  क्याम्पस चोकमा टावर लाइट निर्माण गरिएको छ।  उपमहानगरपालिकाको वडा नम्बर ८ स्थित क्याम्पस चोकमा टावर लाइट निर्माण गरिएको  हो । 
वडा कार्यालयको बजेटबाट २ लाख ७५ हजारको लागतमा उक्त टावर लाइट निर्माण भएको धनगढी उपमहानगरपालिका वडा नम्बर ८का वडा अध्यक्ष नारायण बरालले बताए । 
 बजारको शौन्दर्य र सुरक्षाका दृष्टिकोणलाई मध्यनजर गर्दै टावर लाइट निर्माण  गरिएको वडा अध्यक्ष बरालले बताए ।

सो टावर लाइटको  आज (सोमबार) प्रदेश प्रमुख देवराज जोशीले उद्घाटन  गरेका छन् ।उद्घाटन पश्चात  ५६ फिट अग्लो रहेको सो टावरमा  आजै राष्ट्रिय झण्डा समेत फहराइएको  अध्यक्ष बरालले जानकारी दिएका छन्  । धनगढीमा अन्य स्थानमा समेत टावर लाइट जडान गर्ने  योजना रहेको धनगढीका नगरप्रमुख नृपबहादुर वडले बताएका छन्।

सो स्थानमा टावर बनेपछि  नयाँ काम गरेको भन्दै सामाजिक संजाल फेसबुकमा वडा नम्बर ८ र उपमहानगरपालिकाको प्रशंसा भईरहेको छ ।