धनगढी,९ कार्तिक। डोटीको बडीकेदार गाउँपालिका वडा –३ को कार्यलय नखुल्दा सेवाग्रही मर्कामा परेका छन् ।दशैँको बिदा सकिएको लामो समय बितिसक्दा समेत  वडा कार्यलय नखुल्दा सेवाग्राहीहरु मर्कामा परेका हुन् । वडा कार्यलय बन्द हुँदा  स्थानियहरुले  वडा कार्यलयबाट पाउने सेवा सुबिधाबाट बन्चित भएको स्थानियले बताएका छन् ।

बाढीका कारण  वडामा किसानहरु समस्यामा छन् , राहतको खाचोँ  छ , तर जनप्रतिनीहरु वडामा  नगएको स्थानिय  शिद्धबहादुर बिष्टले बताए । बाढी पहिरोका कारण स्थानिय जनता समस्या पर्दा समेत  कार्यलयका कामकाज नहुँनु स्थानिय जनप्रतिनिधिको गैरजीम्मेवारी भएको बिष्टको  आरोप छ । 
 यता वडा  नम्बर–३का वडा अध्यक्ष लिलाधर सापकोटा आफु धनगढी रहेको बताउदै रम्बी मगरलाई कार्यबाहक वडा अध्यक्षको जिम्मेबारी दिएको बताए । 
कार्यलयको कामकाज भने नरोकिएको वडा अध्यक्ष सापकोटाको भनाई छ ।अविरल वर्षाका कारण बाटो अवरुद्ध भएको र वडा सचिव वडा कार्यलय जान नसकेको उनको भनाई छ ।
यस्तै वडा सचिव  मिना जोशीले पनि वडा कार्यलय  नगएको  स्बीकार गर्दै  पहिरोका कारण बाटो खराबका भएकोले बडा कार्यलयमा जान ढिलाई भएको बताईन् ।