धनगढी, २ कार्तिक।नेपाली काँग्रेस जिल्ला कार्यसमिति कैलालीले विपद प्रभावित क्षेत्रमा खटिन कार्यकर्ताहरुसंग आग्रह गरेको छ । मंगलबार एक प्रेस विज्ञप्ती जारी गर्दै काँग्रेसको संगठनसँग आवद्ध क्रियाशील सदस्यहरु एवं भातृ र शुभेच्छुक संघसंस्थामा आवद्ध कार्यकर्तालाई मानवीय संकटको अवस्थामा राहत तथा उद्दारमा खटिन अपिल गरेको हो ।

 जिल्लामा बाढीले ठुलो धनजनको क्षति समेत पु¥याई रहेको विभिन्न संचार माध्यमहरुबाट समाचारहरु प्राप्त भैरहेका छन् । यो प्राकृतिक विपदको समयमा अप्ठयारोमा परेका जनमानसको मानवीय उद्धार र राहत कार्यमा खट्नि स्वयंसेवी महानुभावहरु जिल्लामा कार्यरत विभिन्न सरकारी तथा गैरसरकारी संघसंस्थाहरुलाई आग्रह गर्दछौं’ पार्टी सभापति नरनारायण शाह मनुद्धारा हष्ताक्षरित विज्ञप्तीमा भनिएको छ –‘हालसम्म जारी रहेको वर्षाका कारणले जिल्लाका विभिन्न नाला र नदीहरुको जलस्तरको बहाव खतराको निशान भन्दा माथि पुगेकोले विशेष गरी भारत सँग सिमाना जोडिएको जिल्लाका दक्षिण भेगमा बसोवास गरीरहेका जनताको सम्भावित मानवीय क्षति रोक्न समेत स्थानिय सरकार, स्थानिय प्रशासन र अन्य सम्बन्धित निकायमा उद्धार, राहत, क्षतिपूर्ति र पुर्ननिर्माणका लागि तदारुकताका लागि लाग्न ध्यानाकर्षण गराउँँदछौ ।’

यस्तै अवरुद्ध सडकहरु यथाशिघ्र सुचारु ग्र्न पनि पार्टीले माग गरेको छ । ‘कैलाली जिल्लाबाट सुदुरपश्चिमका विभिन्न जिल्ला सदरमुकाम लगायत अन्य स्थानहरु जोडने सडकमार्गहरु निरन्तरको बर्षाका कारण अबरुद्ध भैरहेका खबरहरु आउँँदै गरेका छन्’ विज्ञप्तीमा भनिएको छ –‘यातायात व्यवस्था समयमा सुचारु गरि चाडपर्वमा गृह जिल्ला गएका र फर्कने क्रममा रहेका नागरिकहरुलाई समयमा सुरक्षित गन्तव्यमा पुग्न आवश्यक प्रबन्ध अविलम्ब मिलाउन हामी सम्वन्धित निकायमा अनुरोध गर्दछौ ।’

पार्टीले किसानका समस्या समाधान गर्न तर्फ सरकारले ध्यान दिन आग्रह गरेको छ । ‘कृषिको समस्या समाधान गर्न धानबाली लगायत सहायक अन्यबालीहरुमा भएको क्षतिपूर्ति एकिन गरि तत्काल उद्धार र राहतको घोषणा गर्न सरोकारवाला निकायहरु स्थानिय सरकार, प्रदेश सरकार र संघिय सरकार सँग नेपाली काँग्रेस कैलाली जोडदार माग गर्दछु ।’