धनगढी २७ फागुन नेपाल प्रहरीको विशेष टोली जोनल इन्फरमेसन टिम कैलालीले अबैध रुपमा भारतबाट लुकाईछुपाई गरी नेपाल भित्रिन लागेको अबैध बोईलर कुखुरा बरामद गरेको छ । कैलालीको धनगढी उप–महानगरपालिका –१८ अमेरिका घाटबाट १ कुण्डल ५० किलो ग्राम भन्दा बढि कुखुरा बरामद गरिएको प्रहरीले जनाएको छ । बरामद गरिएको कुखुरा कैलालीको धनगढी उप–महानगरपालिका –१५ स्थित कनरी प्रहरी चौकीमा सरोकारवालाहरुको रहोवरमा नष्ट गरिएको कनरी प्रहरी चौकीका प्रहरी सहायक निरिक्षक लोक बहादुर पार्कीले जानकारी दिएका छन् । उनका अनुसार कुखुरा नेपाल ल्याउनेव्यक्तिहरु भने कुखुरा छोडेर फरार भएका छन् । हरेक जसो दिन पटक–पटक फूलवारी नाका भएर प्रहरी छलेर तस्करहरुले अबैध रुपमा बोइलर कुखुराहरु नेपाल ल्याई विक्रि वितरण गर्ने गरेको खुल्न आएको छ ।