धनगढी, २७ फागुन कैलालीको गोदावरी नगरपालिका १ बसन्तपुरमा आईतवार ट्याक्टर दुर्घटना हुँदा १ जनाको मृत्यु भएको छ भने ३ जना घाईते भएका छन् । पुर्व पश्चिम राजमार्गमा पुर्वबाट पश्चिम आउँदै गरेको से १ त ३१४२ न. को टयाक्टरले सोहि दिशा तर्फ आउँदै गरको साईकललाई ठक्कर दिदा ट्याक्टर अनियन्त्रित भई दुर्घटना भएको हो । साईकल चालक अन्दाजी २०÷२२ वर्षका सुशिल ओझाको उपचारको क्रममा मृत्यु भएको क्षेत्रिय ट्राफिक प्रहरी कार्यालय अत्तरियाले जनाएको छ । गम्भिर घाईते हुनेमा टयाक्टरमा सवार बिरेन्द्र चौधरी, कालु चौधरी र साईकलको पछाडी सवार सुरज कडारो रहेको जनाएको छ । घाईते तिनै जनाको पद्मा अस्पताल अत्तरियामा उपचार भईरहेको छ । ट्याक्टर चालक २० वर्षिय सञ्जिव चौधरी र टयाक्टरलाई ईलाका प्रहरी कार्यालय मालाखेतीले नियन्त्रणमा लिएको छ ।