धनगढी ०८ असोज। मिडफिल्डर काई हाभर्टजको ह्याट्रिकको मद्दतमा चेल्सीले फराकिलो जित निकालेको छ । घरेलु मैदानमा भएको काराबाओ कप फुटलब अन्तर्गत चेल्सीले बान्र्सलेमाथि ६–० को फराकिलो जित निकालेको हो । 

यसै सिजन जर्मन क्लब बायर लिभरकुसनबाट चेल्सी पुगेका हाभार्टजले ह्याट्रिक गर्दा ट्याम्मी अब्राहम, रोस बार्कली र ओलिभर जिरुउडले पनि समान एक गोल गरे । 

खेलको १९ औं मिनेटमा अब्राहमले गोल गर्दै चेल्सी अग्रता दिलाएका थिए । २८औं मिनेटमा हाभर्टजले चेल्सीका लागि डेब्यु गोल गरे । उनले मासन माउन्टलको पासमा गोल गर्दै चेलसीलाई पहिलो हाफमा २–० गोलको अग्रता दिलाए । 

४९औं मिनेटमा रोस बार्कलीले गोल गरे । ५५औं मिनेटमा अब्राहमको पासमा हाभर्टजले व्यक्तिगत दोस्रो गोल गर्दै अग्रता ४–० को पारे । ६५औं मिनेटमा अब्राहमकै पासमा हाभर्टजले गोल गर्दै ह्याट्रिक पूरा गरे । ८३औं मिनेटमा बेन चिलवेलको पासमा ओलिभर जिरुउडले गोल गर्दै चेल्सीलाई ६–० को फराकिलो जित दिलाए ।

जितसँगै चेल्सी काराबाओ कपको अर्को चरणमा प्रवेश गरेको छ । 

त्यस्तै अर्को खेलमा एभर्टन विजयी भएको छ । फ्लिटवुड टाउनको घरेलु मैदानमा भएको खेलमा एभर्टनले ५–२ गोलको जित निकालेको हो ।