आछाम, बाम गठबन्धनबाट अछाम क्षेत्र नम्बर २ को प्रदेश सभा १ मा उम्मेदवार बनेका अक्कल रावल नैतिक आचारण गुमेका व्यक्ति भएको भेटिएको छ । बाम गठबन्धनमा माओवादी केन्द्रबाट टिकट पाएका रावल केटी काण्ड देखि पहुँचको भरमा झुटा विवरण पेश गरेर राज्यको सम्पति हत्याउने कार्यमा सक्रिय रहेको प्रमाण फेला परेको हो । माओवादी सशस्त्र युद्धमा ‘सशक्त’ नामले चिनिले रावल पैसा कमाउन र परस्त्रीसँगको सम्बन्धमा पनि शसक्त रुपमै लाग्ने गरेको उनका समकक्षीहरु बताउछन् । रावलका प्रकणहरु प्रकरण १ माओवादी पार्टी शान्तिप्रक्रिया पछि सरकारमा गएको बेला जनार्दन शर्मा शान्ति मन्त्री हुँदा उनका स्वकिय सचिव अछामकै दिपक साउँद थिए । त्यो बेला माओबादीले सशस्त्र युद्धका बेला घाईते, अंगभंग अपांग भनेर अछाम जिल्लाबाट मात्र एक हजार एक सय ३५ जनाको नामावली प्रक्रिया मिचेर सोझै मन्त्रालयबाट राहतका लागि जिल्लामा पठायो । सोही लिस्टमा पूर्ण रुपमा अंगभंग भनेर एक जना हेरालुसिहतको व्यवस्था गरेर आजिवन मासिक १२ हजार राहत रकम बुझ्नेमा अक्कल रावलको पनि नाम समावेश छ । यस्तो सुबिधा प्राप्त गर्ने १२ जनाको लिस्टमा अक्कलको मात्र होईन उनका बुबा धर्मसिंह रावलको पनि नाम समावेश छ । जबकी धर्मसिंह रावल त्यो बेला गाविस सचिव पदमा कार्यरत थिए भने पाँच वटा सम्म गाविसको जिम्मेवारी सम्हालेका थिए । सामान्य चोटपटक समेत नलागेका दुबै बाबु छोराको नाम हेरालुसहितको आजिवन सुबिधा लिनेमा आएपछि जिल्लास्तरमा व्यापक आलोचना हुनुका साथै यस बारेको समाचार मिडियामा छ्याप्छ्याप्ती आएपछि दुबै बाबु छोरा उक्त सुबिधा लिन भने गएनन् । तर शक्तिको आडमा दुबै बाबु छोरालाई मासिक १२÷१२ हजारका दरले आजिवन राहत बुझ्ने व्यवस्था गरेका रावलको उक्त कुरा बाहिर आउँदा आर्थिक रुपमा कत्तिको गलत मान्छे हुन भन्ने प्रस्टै हुन्छ । रावल सहित सवलांग भएर पनि अपांगको भत्ताका लागि सिफासिर भएकाहरुको नामावली सहितको त्यो बेला अन्नपूर्ण पोष्टले प्रकाशित गरेको समाचार हामीले भेटाएका छौ । प्रकरण २ रावलले २०६० सालमा माओवादीले सञ्चालन गरेको समानान्तर सरकारमा अछाम जिल्ला जनसरकार प्रमुख भएर समेत काम गरे । भूमिगतकालमै कालिकोटको एक न्यौपाने थरकी महिलासँग बिहे गरेका रावलले पछि उनलाई निर्मम यातना दिएर छोडे । शरीरमा तातोपानी, चिया खन्याउने देखि लिएर मरणसन्न हुनेगरी कुट्पिट तथा चरम यातना दिएर उनलाई घरबाट लखेटेका हुन् । चरम यातना सहन नसकि न्याय खोज्दै अधिकारकर्मी र संचारकर्मीसमक्ष आएकी ति महिला न्याय पाउन नसकेर पछि होडेर हिडेकी हुन् । प्रकरण ३ महिला भनेपछि हुरुक्कै हुने रावलले भुमिगत कालमा मात्र नभएर शान्ति प्रक्रियामा आइसकेपछि पनि थुप्रै ठाउँमा आचरणहिन काम गरेको प्रमाण फेला परेको छ । शान्ति प्रक्रियामा आइसकेपछि सदरमुकाम मंगलसेनमा एक महिलासँग सुतेको अवस्थामा रंगेहात भेटिएका रावललाई त्यो बेला रंगेहात भेटाउनेहरुले टाउँकोमा चार–पाँच टाँका लाग्नेगरी कुटपिटसमेत गरेका थिए । उक्त कुरा पार्टी समक्ष पुगेपछि निकै छलफलको बिषयसमेत बनेको थियो । परस्त्री भनेपछि हुरुक्कै हुने रावललाई उनकै पार्टीका नेता कार्यकर्ताहरु पनि आप्mनो घरमा बास बस्नदिन समेत सजिलै मन नपराउने गरेको एक नेताले सुनाए । गत स्थानीय तहको निर्वाचनमा पञ्चदेवल बिनायक नगरपालिकाको मेयर पदमा पराजित रावल आसन्न प्रदेश सभाको निर्वाचनमा नाताले बाजे तथा स्कुल तहका आफ्नै गरु सुरतबहादुर बिष्टसँग प्रतिष्प्रधा गर्दैछन् । काँग्रेसबाट प्रदेश सभाको टिकट पाएका बिष्ट विद्यामन्दीर मावि बिनायकका निर्वतमान प्राचार्य हुन् । गत बर्ष सेवा निवृत बिष्टका बुबा र रावलका मावलीतर्फका बाजे भाई भाई हुन् । यसले रावल बिष्टको नाती पर्छन । पारिवारीक रुपमा नजिकको नाता भएपनि रावल र बिष्टको बीचमा युद्धकाल देखि सम्बन्ध पनि राम्रो छैन । सशस्त्र युद्धको समयमा २०५७ सालमा अक्कल र उनको भाई डम्बर रावलको नेतृत्वमा बिष्टको घर कालिकास्थानमै गएर कुटपिट गरेर मार्ने धम्कीसमेत दिए । त्यस पछि बिष्ट डरले रातारात भागेर सदरमुकाम पुगे र अन्य परिवार बिस्तापित भएर काठ्माण्डौ गएपछि बिष्टको घर कब्जा लिँदै र सम्पतिसमेत सबै उनीहरुले लुटेर लगेको बिष्टले जानकारी दिए ।