नेपाली सेनाको टोलीद्वारा धननगढीको एलएन चौकमा भेटिएको प्रेसर कुकर बम डिस्पोज
Share
झलक दवाडी 2077-04-06

धनगढी,०६ साउन ।  सुदूरपश्चिम प्रदेशसभा नजिकै धनगढीको एलएन चौकमा भेटिएको प्रेसर कुकर बम डिस्पोज गरिएको छ।

नेपाली सेनाको टोलीले एलएन चौक स्थित अमित प्लाजा नजिकै राखिएको प्रेसर कुकर बम डिस्पोज गरेको हो। जिल्ला प्रहरी कार्यालयका प्रवक्ता प्रहरी नायब उपरिक्षक प्रतिक विष्टले नेपाली सेनाको डिस्पोज टोलीले बम डिस्पोज गरेको बताए।

उनले प्रदेशको सामाजिक विकास मन्त्रालय नजिक राखिएको शंकास्पद वस्तु समेत डिस्पोज गर्ने काम भईरहेको बताए।

यसअघि नेपाली सेनाको टोलीले आर्थिक मामिला तथा योजना मन्त्रालय र भौतिक पूर्वाधार विकास मन्त्रालय नजिकै भेटिएको बम समेत डिस्पोज गरेको थियो।