२३ मंसीर/ लैंगिक हिसां विरुद्धको १६ दिने अभियान चलिरहदा महीलामाथि हुने हिसां न्युनिकरणमा नीति निर्मणकर्ताको भुमीका र आगामी योजना बिषय अन्र्तक्रिया कार्यक्रम सोमबार धनगढीमा सम्पन्न भएको छ । 
कार्यक्रममा सामाजिक विकास मन्त्री कृष्णराज सुवेदीले लैंगिक हिसां विरुद्धको १६ दिने अभियान कत्तिको प्रभावकारी बनाउन र महिलामाथि हुने हिसां न्युनिकरणको लागी सबैले एकजुट भएर लाग्नुपर्ने धारणा राखे । महिलामाथि हुने विभिन्न प्रकारका सामाजिक विभेद अन्त्यको लागी मन्त्रालय निरन्तर लागी परेको बताए ।
उनले मन्त्रालयले सुदूरपश्चिमका पहाडी जिल्लामा रहेको व्याप्त छाउपडि प्रथा अन्त्यको लागी बिशेष निती कार्यक्रम ल्याएको बताए । सबैले आफ्नो व्यवहारमा परिर्वतन गर्न जरुरी रहेको भन्दै निती निमार्ण तथा कार्यान्वयनमा सधै तयार रहेको बताए । यस्तै मन्त्री सुवेदीले गलत धार्मीक विश्वासले गर्दा अझैपनि हाम्रो समाजमा छाउपडी प्रथा अन्त्य हुन नसकेको धारणा राखे । 
कार्यक्रममा सहभागी प्रदेश सासंद पुर्णा जोशीले महिलामाथि हुने हिसां अन्त्यको लागी सरकार र संविधानले ल्याएका नीति कार्यान्वयनमा जोड् दिनुपर्ने बताइन् । उनले लैंगिक हिसां जटिल बन्दै गएको बताउदै यसको अन्त्य गर्न सबैले लाग्नुपर्ने धारणा राखीन् । 
प्रदेश सासंद शान्ति नेपालीले परिर्वतन आफैबाट सुरु गर्नूपर्ने बताइन् । उनले हिंसा न्युनिकरणको लागी आफुहरु जस्तोसुकै कदम चाल्न तयार रहेको बताइन् । 
सासंद हर्क बहादुर कुवरले गरिबीका कारण पहाडी जिल्लाहरुमा छाउपडी कायम रहेको भन्दै सरकारले छाउपडीको लागी घर बनाईदिनुपर्ने बताए । 
सासंद कुन्ती जोशीले ग्रामीण क्षेत्रमा चेतना अभावको कारण लैेंगिक हिसां बढेको बताइन् । उनले यसको अन्त्यको लागी आफैबाट सुरुवात गर्नुपर्ने बताइन् । 
दलित महीला अधिकार मञ्चकी अध्यक्ष सावित्रा घिमीरेले लैंगिक हिसां न्युनिकरण भन्दापनि अन्त्य गर्नुपर्ने बताइन् । 
अन्र्तक्रिया कार्यक्रममा मन्त्रालयकी महीला विकास अधिकृत कमला शाहीले कार्यपत्र प्रस्तुत गरेकी थिईन् । मन्त्रालयको कुल विनयोजित बजेट ३ अर्व ३४ करोड ७५ लाख ७१ हजार मध्ये महिला, बालवालिका  र समाजकल्याण तर्फ स्वीकृत बजेट १४ करोड २ हजार पचास रहेको जानकारी दिईन् । मन्त्रालयले लैंगिक हिसां न्युनिकरणको लागी विभिन्न कार्यक्रम ल्याएको बताइन् । 
सुदूरपश्चिम सामाजिक विकास मन्त्रालयको आयोजनामा भएको कार्यक्रममा प्रदेश सासंद, महीला अधिकारकर्मी लगाएत विभिन्न सरोकारवालाहरुको उपस्थिती रहेको थियो ।