धनगढी २४ भाद्र नेपाली प्रजातान्त्रिक आन्दोलन र नेपाली साहित्यमा विशिष्ट योगदान पु¥याएका नेपालका प्रथम जननिर्वाचित प्रधानमन्त्री विश्वेश्वरप्रसाद कोइरालाको १०४ औं जन्मजयन्ती शनिबार विविध कार्यक्रम गरी मनाइएको छ । ९७१ साल भदौ २४ गते जन्मिएका कोइराला क्रान्तिद्रष्टा, सिद्धान्तनिष्ठ र अटल राष्ट्रवादका धनी हुनुका साथै साहित्यमा अराजक र राजनीतिमा व्यवहारवादी थिए उनले २००३ सालमा नेपाली राष्ट्रिय कांग्रेस स्थापना गरेका थिए । जसको सम्झनामा कागं्रेस सधै विपि जयन्ती मनाउदै आएको छ । सो अवसरमा शनिबार धनगढी उपमहानगरपालिका वडा नम्बर ६ को जाली सामुदायिक वनमा नेपाली कांग्रेस कैलाली र धनगढी उपमहानगर प्रमुख र उपप्रमुखले संयुक्त रुपमा वृक्षारोपण गरेका हुन । धनगढी उपमहानगरपालिकाले शुरु गरेको नगर हरियाली कार्यक्रम अन्तर गत भोट बराबर बोट कार्यक्रममा हाल सम्म ११ हजार ५ सय बोट रोपिएको नगरप्रमुख नृप ओढले जानकारी दिए । उनले नेपाली कांग्रेसका संस्थापक नेता वि पि कोराइरालाको १०४ औ जन्मजयन्तीका अवसरमा जाली सामुदायिक वनमा विभिन्न प्रजातीका ५ सय वोट रोपिएको बताए । विपि जयन्ती तथा वृक्षारोपण कार्यक्रममा बोल्दै नेपाली कांग्रेस कैलालीका सभापति नर नारायण शाह मनुले विपिको सिदान्तलाई सवै नेता कार्यकताले आत्मसाथ गर्नु पर्ने बताए । त्यस्तै नेपाली काङ्ग्रेसका विभिन्न भातृ संगठनहरुले अनाथ आश्रम तथा धनगढी उपमहानगरपालीको राधा कृष्ण मन्दिरका बिद्यार्थीहरुलाइ लत्ताकपडा तथा शैक्षिक सामग्री बितरण गरेको छ । नेपाली कांग्रेसको भातृ संगठन तरुण दलले धनगढी उपमहानगरपालीकामा रहेको राधा कृष्ण मन्दिरका बिद्यार्थीहरुलाई २० थान कपडा तथा शैक्षिक समाग्री वितरण गरेको छ । यता कैलाली निर्वाचन क्षेत्र नम्बर ६ को क्षेत्रिय समितीले धनगढी उपमहानगरपालीका वडा नम्बर ५ मा रहेको आमाको माया छात्रबास का अनाथ बालबालिकालाई ८० थान कापी कलम वितरण गरेको छ । कैलाली निर्वाचन क्षेत्र नम्बर ६ का क्षेत्रीय सभापती हरीस खड्काले गरिब अनाथ र असाहय बाल बालिकाले शैक्षिक सामाग्री वितरण गरेको बताए ।