कञ्चनपुरमा वीङ्गर र मोटरसाईकल एक आपसमा ठोक्किदा पाँचजना घाईते भएका छन्। पूर्वपश्चिम राजमार्ग अन्तरगत जिल्लाको शुक्लाफाँटा नगरपालिकाको कलुवापुरमा वीङगर  र मोटरसाईकल ठोक्किदा ५ जना घाईते भएको प्रहरीले जनाएको छ। पश्चिमबाट पुर्व जादै गरेको म १ ज २६५ नम्बरको वीङगर र महेन्द्रनगरतर्फ जादै गरेको म ३ प ९६७ नम्बरको मोटरसाईकल ठोक्कीदा ५ जना घाईने भएका हुन्।

घाईते हुनेमा मोटरसाईकलमा सवार भीमदत्त नगरपालीका २ का ३५ वर्षीय पट्टुराम डगौरा र उनकी श्रीमती रमिता डगौरा, वीङ्गरमा सवार भीमदत्त नगरपालिका ७ का ३३ वर्षीय सुरेन्द्र रावल, पुर्नवास नगरपालिका ५ का २१ वर्षीय अमर थापा र साईकलमा सवार शुक्लाफाँटा नगरपालिका ११ का ३५ वर्षीय नरबहादुर साउँद रहेको ईलाका प्रहरी कार्यालय झलारीका प्रमुख प्रहरी निरीक्षक नैन बहादुर साउँदले जानकारी दिए।

घाईते मध्ये डगौरा दम्पत्ती र अन्य दुईजनाका अत्तरियाको पदमा अस्पतालमा उपचार भईरहेको छ भने साईकल सवार साउँदलाई उपचारका लागि भारत लगिएको छ। वीङ्गर चालक भीमदत्त नगरपालिका ६ का २८ वर्षीय सुरेश बोगटीलाई प्रहरीले नियन्त्रणमा लिएको छ।