भाद्र २९, अछाम

अछामको रामारोशन गाउँपालिका अध्यक्ष झँकर साउदमाथी आक्रमणको प्रयास भएको छ । गाउपालिका कार्यालय संगै जोडिएको निवाशमा रहेका साउद माथि आक्रमणको प्रयास भएको हो । साँझ ७ बजेको समयमा अध्यक्ष साउद माथि लक्षित गरि गोली प्रहार भएको जिल्ला प्रहरी कार्यालयका प्रमुख जनक बहादुर शाहीले जानकारी दिए।
 चाईनिज पेस्तोल बाट गोली हान्ने प्रयास गरेकोमा प्रहरी चौकी सान्तडा अछाममा कार्यरत प्रहरी सहायक निरीक्षक भरत बहादुर रोकायले पेस्तोल ताकेको अवस्थामा अवरोध गर्दा पेस्तोल बाट गोली फायर भई कोठामा विच्छाईएको कार्पेटमा लागेको प्रहरी सहायक निरीक्षक भरत बहादुर रोकायले जानकारी दिए। पक्राउ गर्ने प्रयास गरे पनि गोली प्रहार गर्ने व्यक्ति ६ सय मिटर टाढा रहेको कैलाश खोलामा हाम फालेर भागेको प्रहरी जनाएको छ ।

गोलि प्रहार गर्ने ब्यक्तिको खोजतलास लागि  प्रहरी निरीक्षक रमेश दत्त अवस्थीको कमाण्डमा ११ जनाको टोली घटना स्थलमा खटिइएको जिल्ला प्रहरी कार्यालयका प्रमुख शाहीले जानकारी दिए ।