बाल दिवस २०७६ को अवसरमा नेपाल बाल संगठन कैलाली शाखाले धनगढी स्थित आमाको माया छात्रवासलाई खानेपानी ट्याङ्की र पंखा हस्तान्तरण गर्नुका साथै जिल्ला कारागार कैलालीमा रहेका ५ जना बन्दि बालबालिकालाई न्यानो लुगा र खेलौना हस्तान्तरण गरेको छ । 
    शाखाले एक हजार लिटर क्षमताको पानी ट्ङ्की र दुई वटा पंखा आमाको माया छात्रवासलाई हस्तान्तरण गरेको हो, भने जिल्ला कारागार कैलालीमा जेलजीवन वेतित गरिरहेका आमाबुबा संग बस्दै आएका ५ जना बालबालिकालाई न्यानो लुगा तथा खेलौना हस्तान्तरण गरिएको नेपाल बाल संगठन कैलाली शाखाका सभापति भुवनेश्वर पन्तले बताए । 
     सामाग्री अस्तान्तरण गर्दै कैलालीका प्रमुख जिल्ला अधिकारी यज्ञराज बोहराले बालबालिकाको दैनिकी सहज होस् भन्ने हेतुले सो सहयोग गरिएको बताए । उनले आगामी दिनमा पनि विभिन्न निकाय संग समन्वय गरी बालबालिकाको जीवन स्तर सुधार गर्न सक्दो सहयोग गर्ने बताए । बाल संगठन कैलालीका सभापति पन्तले यस अघि पनि संगठनले बालबालिकाको हितमा हुने थुप्रै काम गर्दै आएको स्मरण गराउँदै आगामी दिनमा पनि सक्दो सहयोग गर्ने बताए । नेपाल बाल संगठनले बाल दिवस २०७५ का अवसरमा आमाको माया छात्रवासलाई झुल वितरण गरिएको पनि उनले बताए ।