कृत बिष्ट 
कैलाली ९ भदौ 
बझाङको बित्थडचिर गाउँपालिका ४ डुग्री खोलामा मोटरसाइकलले ठक्करबाट एक पैदलयात्री घाइते भएकी छिन् । 

सोही गाउँपालिका वाड नम्बर ३ बस्ने ६५ बर्षिया झिमा देवी बोहरालाई मोटरसाइकलले ठक्कर दिदा घाइते भएकी हुन । 
उनको दुबै हातखुट्टा र कम्मरमा गम्भीर चोट लागेको जिल्ला प्रहरी कार्यालय बझाङले जनाएको छ । 

से १ ब ३०१० नम्बरको सरकारी  नम्बर प्लेट भएको  बित्थडचिर गाउँपालिका वडा नम्बर २ को मोटरसाइकलले ठक्कर दिएको हो । मोटरसाइकलमा वडा नम्बर २ का वडा सदस्य रण बहादुर बोहरा सवार रहेको प्रहरी नायब उपरीक्षक गणेश बहादुर बमले जानकारी दिए । चालक बोहरालाई समेत गम्भीर चोट लागेको प्रहरी उपरीक्षक बमले बताए । 

स्थानीयका अनुसार चालक वडा सदस्य बोहराले मादक पदार्थ सेवन गरि मोटरसाइकल चलाएको भएपनी प्रहरीले भने उनले मापसे नगरेको जनाएको छ ।