तेज बोहरा/ कैलाली १७ चैत्र/ पशु स्वास्थ्य क्षेत्रमा लामो समयदेखी सरकारी स्तरबाट योगदान दिदै आएका सेवा निवृत पशु चिकित्सक सम्मानित भएका छन् । 

नेपाल पाराभेटेरीनरी एण्ड लाईभष्टोक एसोसिएसन जिल्ला कार्य समिति कैलालीको ३० औ पुर्ण बैठ्क तथा सम्मान कार्यक्रमबाट आईतबार पशु सेवा तालिम केन्द्र धनगढीमा पशु चिकित्सक मिन बहादुर थापा र दान सिहं बिष्ट सम्मानित भएका हुन ।  

सो कार्यक्रममा सेवा निवृत पशु चिकित्सकहरुको सरकारी सेवामा बिताएको समय , कार्य अनुभबहरु एकआपसमा आदानप्रदान समेत गरीएको थियो । 
सम्मानित चिकित्सकहरुको तर्फबाट सेवा निवृत दान सिहं बिष्टले आफूले जीवनभर पाएको ज्ञान सिप र अनुभव  समाजको लागि उपयोग गर्न तयार रहेको जानकारी गराए । 
कार्यक्रममा नेभ्ला सुदूरपश्चिम प्रदेश कमिटी संयोजक धनबहादुर चौधरी, पशु चिकित्सक डाक्टर बसन्त बहादुर सिहं, नेभ्ला प्रदेश कमिटी सदस्य कविराज कठायत लगाएतका व्यक्तिहरुको उपस्थिती रहेको थियो ।

नेभ्ला जिल्ला कार्य समिति कैलालीको ३० औ औपचारीक बैठ्क पनि सोही कार्यक्रमका बिच सम्पन्न भएको र पशु पालन क्षेत्रमा नेभ्ला निरन्तर काम गरीरहेको कैलाली जिल्ला अध्यक्ष दिपक चौधरीले बताए ।