धनगढी,२७ फागुन । फुलबारी बहुमुखी क्याम्पसको नवौं वार्षिकोत्सव एक समारोहकाबीच सम्पन्न भएको छ । प्रतिनिधिसभा सदस्य नारदमूनि रानाको प्रमुख आतिथ्यतामा भएको कार्यक्रमको अध्यक्षता क्याम्पस व्यवस्थापन समितिका अध्यक्ष भुवन रिजाल रहेका थिए । 
वार्षिकोत्सव समारोहमा क्याम्पस प्रमुख यमबहादुर पौडेलले क्याम्पसको वार्षिक प्रतिवेदन पेशगरेका थिए । सञ्चालक समितिका सदस्य यादव भण्डारीले सञ्चालन गरेको कार्यक्रममा प्रदेश सभा सदस्य नेपालु चौधरी, सुशीला बुढाथोकी कार्यक्रमको विशिष्ट अतिथी रहेका थिए ।
क्याम्पस ब्यबस्थापन समितिका सदश्य कृष्णराज गिरीले स्वागत मन्तब्य ब्याक्त गरेका थिए ।  कार्यक्रममा विभिन्न विधामा सहयोग गरे गर्ने विभिन्न व्यक्तित्वलाई सम्मान समेत गरिएको थियो । 
कार्यक्रममा प्रमुख अतिथी रानाले क्याम्पसलाई सुदूरपश्चिम विश्व विद्यालयको आंगिक क्याम्पस बनाउँदै स्तरोन्नति गर्ने प्रतिवद्धता व्यक्त गरेका थिए ।