फूलवारी । कैलालीको धनगढी उपमहानगरपालिका –१४ मा भइरहेको वडा अध्यक्ष फुटबल प्रतियोगितामा सुर्मादेबी युवा क्लबलाई पराजित गर्दै बेली युवा क्लब सेमिफाइनलमा प्रवेश गरेको छ । फूलवारी स्थीत सि गाउंको खेल मैदानमा आज भएको दोस्रो सेमिफाइनल खेलमा सुर्मादेवी युवा क्लव,आई गाउंलाई ट्राइबेकरमा २ का विरुद्ध ४ गोलले पराजित गर्दै वेली सेमिफाइनलमा प्रबेश गरेको हो । निर्धारित समयमा दुबै टिमले १/१ गोलको बराबरी गरेपछि खेल ट्राइबेकरमा गएको थियो । ट्राइबेकरमा वेलीका गोलकिपर रोशन खातीले उत्कृष्ट बचाउ गर्दै सुर्मा देवीका २ प्रहार रोक्दै टिमलाई विजयी गराका हुन् । उक्त खेलमा उत्कृष्ट प्रर्दशन गरेका वेलीका गोलकिपर रोशन खातीलाई म्यान अफ द म्याच घोषणा गर्दै नगद रु १ हजार ५ सय सय प्रदान गरिएको आयोजक फूलवारी ११ स्पोर्ट क्लवका अध्यक्ष महेश गोलेले जानकारी दिए । 

त्यस्तै आजै भएको पहिलो सेमिफाइनल खेलमा न्यू स्टार सिटि, कनरीलाई शून्यका विरुद्ध २ गोलले पराजित गर्दै मनकामना युवा क्लबल, जुगेडा सेमिफाइनलमा प्रबेश गरेको छ । उक्त खेलमा मनकामना युवा क्लबका आशिश आचार्य म्यान अफ द म्याच घोषित भएका थिए । उनले नगद रु १ हजार ५ सय सय प्राप्त गरेको अध्यक्ष गोलेले बताए ।

फूलवारी ११ स्पोर्ट क्लबले आयोजना गरेको प्रथम वडा अध्यक्ष कप फुटबल प्रतियोगिताको क्वाटरफाइनल समिकरण पुरा भएको छ । प्रतियोगितामा सेमिफाइनलका खेलहरु भोली २ बजेबाट खेलाईने आयोजकले जनाएको छ । भोली अपरान्ह २ बजे हुने पहिलो खेलमा कालिका युबा क्लव र मनकामना युवा क्लब बिच खेल हुनेछ भने अपरान्ह ३ बजे हुने दोस्रो खेलमा फूलवारी ११ स्पोर्ट र बेली युवा क्लब विच खेलहुने आयोजकले जानकारी दिएको छ ।