धनगढी। प्रधानमन्त्री पुष्पकमल दाहाल (प्रचण्ड)  र  सुदूरपश्चिम प्रदेश सरकारका  मुख्यमन्त्री कमल बहादुर शाहबीच भेटवार्ता भएको छ । आइतबार उनिहरुबीच भेटवार्ता भएको मुख्यमन्त्रीको सचिवालयले जनाएको छ ।

सचिवालयका अनुसार भेटघाटका क्रममा समसामयिक राजनीतिक घटनाक्रम ,  प्रदेश सरकारले लिने विश्वासको मत र यस क्षेत्रको विकास र समृद्धिमा केन्द्रिय सरकार र प्रदेश सरकार मिलेर विकास लाई गति दिने बारे छलफल भएको जनाएको छ  ।

तत्कालीन मुख्यमन्त्री राजेन्द्रसिंह रावल पदमुक्त भएपछि संविधानको धारा १६८ को उपधारा (३) बमोजिम ठुलो दलको संसदीय दलका नेताको हैसियतले शाह मुख्यमन्त्रीमा नियुक्त भएका थिए । नेपाली काँग्रेसको नेतृत्वमा अहिले नेकपा (एकीकृत समाजवादी) पार्टी सम्मिलित सरकार छ ।

माघ २६ गते मुख्यमन्त्री नियुक्त भएका उनले एक महिनाभित्रै विश्वासको मत लिनु पर्नेछ ।मुख्यमन्त्रीले सम्भवतः फागुन १८ गते नै विश्वासको मत लिने तयारी नेपाली काँग्रेसले गरेको छ ।

नेपाली कांग्रेस नेतृत्वको सुदूरपश्चिम प्रदेश सरकारले निरन्तरता पाउने सुनिश्चित भएको छ । संघमा फेरिएको समीकरणका कारण सुदूरपश्चिम प्रदेश सरकार सुरक्षित रहने निश्चित भएको हो ।