धनगढी । आज देशका उच्च पहाडी तथा हिमाली भेगका केही स्थानमा हिमपात र तराईका केही ठाउँमा हावाहुरी चल्ने सम्भावना रहेको मौसम पूर्वानुमान महाशाखाले जनाएको छ।
 
महाशाखाका अनुसार आज दिउँसो (दिनमा) देशका  पहाडी भेगमा आंशिकदेखि सामान्य बदली (आकाशमा बादल) रही बाँकी स्थानमा मौसम सामान्यतया सफा रहनेछ। यस क्रमा प्रदेश नम्बर १, गण्डकी,  कर्णाली र सुदूरपश्चिम प्रदेशका  उच्च पहाडी तथा हिमाली भेगका थोरै स्थानमा हल्का हिमपातको सम्भावना छ। लुम्बिनी र सुदूरपश्चिम प्रदेशका तराई क्षेत्रका केही स्थानमा भने अपराह्नतिर हावाहुरी लाग्ने सम्भावना छ।

मौसम महाशाखाका अनुुसार आज राति प्रदेश नम्बर १ को पहाडी भेगमा आंशिकदेखि सामान्य बदली रही बाँकी स्थानमा आंशिक बदलीदेखि मौसम सामान्यतया सफा रहनेछ। यस क्रममा प्रदेश नम्बर १ को  उच्च पहाडी तथा हिमाली भेगका एक दुई स्थानमा हल्का हिमपातको सम्भावना छ।