धनगढी । धनगढी उप-महानगरपालिकाका प्रमुख प्रशासकीय अधिकृत रामलाल श्रेष्ठले फूलवारी खबरलाई धन्यवाद व्यक्त गरेका छन् । धनगढी-१९ का सचिव  हरिप्रकाश भट्टले कार्यालय समयमा मदिरा सेवन गरी  सेवाग्राहीको कामप्रति बेवास्था गरेको समाचार प्रकाशित गरेपछि तथ्य सूचना प्रवाह गरेकोमा फूलवारी खबरलाई धन्यवाद दिएका हुन् ।

अधिकृत श्रेष्ठले  जनभावना बिरोधी काम गर्ने राष्ट्रसेवक कार्मचारीलाई  समाचार प्रकाशित गरी जनता प्रति उत्तरदायी बनाउन सहयोग गरेकोमा  फूलवारी खबरलाई धन्यवाद दिएका हुन् । वडा नम्वर - १९ का सचिव भट्टले  मदिरा सेवन गरी कार्यालयको काममा गैर जिम्मेवार भुमीका निर्वाह गरेको बिषयमा टेलिफोन प्रतिक्रिया  लिने क्रममा  श्रेष्ठले फूलवारी खबरको प्रसंशा गरेका हुन् । 

अधिकृत  श्रेष्ठले  कार्यालय समयमा  मदिरा सेवन गरी गैर जिम्मेवार कार्य गर्ने  वडा सचिव भट्टलाई कानुनी कार्वाही गर्ने प्रतिबद्धता  समेत जनाए । फूलवारी खबरले धनगढी-१९का वडा सचिव भट्टले कार्यालय समयमा मदिरा सेवन गरी कार्यालयको सेवा प्रवाहमा गैर जिम्मेवार बनेको समाचार प्रकाशित गरेको थियो । फूलवारी खबरमा समाचार प्रकाशित भए लगत्तै सचिव भट्टलाई मदिरामा लठ्ठ भएकै अवस्थामा नगर प्रहरीले  नियन्त्रणमा  लिएको समेत बताईएको छ ।