धनगढी । २०७९ सालको कमलमणि स्मृति साझा सेवा सहकारी पुरस्कार धनगढीको नवजीवन सहकारी संस्था लिमिटेडलाई प्रदान गरिएको छ। साझा सेवा सहकारी संस्थाले सहकारीको माध्यमबाट राष्ट्रिय अर्थतन्त्रमा योगदान पु¥याएको भन्दै नवजीवन सहकारीलाई सो पुरस्कार प्रदान गरिएको हो।

पुरस्कारको राशी ५० हजार रुपैयाँ रहेको छ। साझा सेवा सहकारीको ३८ औं साधारण सभाको अवसरमा सो पुरस्कार भूमि व्यवस्था, सहकारी तथा गरिवी निवारण मन्त्रालयका सचिव डाक्टर दामोदर रेग्मीबाट नवजीवन सहकारीका अध्यक्ष देबबहादुर बमलाई नगदसहित सम्मानपत्रबाट सम्मानित गरिएको थियो। २०७५ सालदेखि यस प्रकारको पुरस्कार प्रदान गरिँदैं आएको संस्थाका अध्यक्ष शङ्करप्रसाद पाण्डेले बताए।

राष्ट्रिय सहकारी महासंघका महाप्रबन्धक चित्रा कुमारा थामसुहाङ सुब्बाले नवजीवन सहकारी नेपालकै उत्कृष्ट संस्था रहेको भन्दै संस्थाले सदस्यहहरुको जन्मदेखि मृत्युसम्मका सेवा प्रदान गर्दै आएको बताईन। नवजीवन सहकारीले सदस्य सेवामा गरेका कामहरुबाट अन्य सहकारीले पनि सिक्नुपर्ने बताईन।

सो अवसरमा नवजीवन सहकारी संस्थाका अध्यक्ष देबबहादुर बमले यस पुरस्कारबाट सहकारीप्रतिको कर्तव्य र दायित्वलाई अघि बढाउन अझ बढी प्रेरणा मिलेको बताए।