धनगढी  । सुदूरपश्चिम प्रदेश सभाको दोस्रो कार्यकालको प्रथम अधिवेशन आज बस्ने भएको छ । प्रदेश प्रमुख देवराज जोशीले नेपालको संविधानको धारा १८३ को उपधारा १ बमोजिम सुदूरपश्चिम प्रदेशको प्रदेश सभाको अधिवेशन १८ गते सोमवार दिनको १ बजे देखि सुरु हुने गरी आह्वान गरेको सो सूचनामा उल्लेख गरिएको छ । 

सुदूरपश्चिम प्रदेश सभा सचिवालयका सूचना अधिकारी युवराज जैशीका अनुसार आज दिउसो १ बजे बैठक बस्ने भएको छ । आज प्रदेश सभा सञ्चालनको कानुन  बनाउने, सभामुखको निर्वाचनको कार्यतालिका र शुभकामना मनतब्य आदान प्रदान गर्ने कार्यक्रम रहेको प्रदेश सभा सचिवालयका सूचना अधिकारी जैशीले बताए ।

प्रथम बैठक ज्येष्ठ सदस्य मानबहादुर रावलले सञ्चालन गर्नेछन् । अधिवेशनसँगै सभामुख र उपसभामुख चयनको लागि बाटो खुल्ने छ।  कार्य परामर्श समितिको बैठकले माघ २ गते सभामुख उपसभामुख चयन गर्ने निर्णय गरेको छ ।