एमाले अध्यक्ष ओली आज सुदूरपश्चिम पुगेर तीन चुनावी सभालाई सम्बोधन गर्ने
Share
कृत बिष्ट 2079-07-26

धनगढी, २६ कात्तिक । नेकपा एमालेका अध्यक्ष केपी शर्मा ओली आज सुदूरपश्चिम आउने भएका छन् । मंसिर ४ गते हुने प्रतिनिधि सभा र प्रदेश सभा निर्वाचनका लागि देश दौडाहमा रहेका आज सुदूरपश्चिम आउन लागेका हुन्।

ओली  सुदूरपश्चिम आउने र ३ चुनावी सभालाई सम्बोधन गर्ने कार्यक्रम रहेको एमाले सुदूरपश्चिमका सचिव धर्मराज पाठकले जानकारी दिए ।उनकाअनुसार ओलीले बिहान ११ बजे डोटीको दिपायल, २ बजे कैलालीको अत्तरियामा र ४ बजे लम्कीको चुनावी सभालाइ सम्बोधन गर्ने कार्यक्रम तय भएको छ।  एक हप्ता अघि अध्यक्ष ओली सुदूरपश्चिमको दार्चुला, बैतडी र कञ्चनपुरमा आयोजित चुनावी सभालाइ सम्बोधन गरेर फर्किएका थिए ।