धनगढी, ३० असोज । धनगढीको एल एन चोकमा आधा घण्टा जाम भएको छ । सडकमा सवारीसाधनको अत्यधित चाप हुंदा आइतबार करिब १२ बजेतीर आधा घण्टा जाम भएको हो । सुदुरपश्चिम प्रदेशको अस्थाई राजधानी समेत रहेको धनगढीको मूख्य सडक खण्डमा बेलाबेलामा घण्टौ जाम हुने गरेको छ । 

एल एन चोकको जाममा भेटिएका धनगढीका कपिल चौधरीले धनगढी उपमहानगरले बजारको मूख्य सडक खण्ड फराकिलो नबनाउंदा जाम भएको बताए। उनले धनगढी उपमहानगरले धनगढीको सवारीसाधन र बढ्दो जनसंख्याको चाप हेरेर सडक फराकिलो गर्नुपर्ने बताए ।

 बाजुराबाट बिरामी लिएर आएका कमल बुढाले आधा घण्टा भन्दा बढि समय जाममा बस्नु पर्दा सास्ती भएको बताए । प्रदेशको अस्थायी राजधानी समेत रहेको धनगढी बजार क्षेत्रको मूख्य सडकको यस्तो अवस्था देख्दा यो ठांउमा सरकार नभएको भान आफुलाई भएको उनले बताए । करिब आधा घण्टा जाम हुंदा बिरामी, कर्मचारी लगायत महत्वपूर्ण काममा हिडेको यात्रुले चर्को घाममा सास्ती भोक्नु परेको थियो ।