धनगढी, ३ कार्तिक।बाढी तथा डुवानका कारण विस्थापित भएका कैलालीका ८० घरधुरीका सर्वसाधारणलाई सुरक्षित स्थानमा सारिएको छ । सशस्त्र प्रहरीले विभिन्न स्थानमा डुबानमा परेका उनीहरूलाई उद्धार गरी सुरक्षित स्थानमा पुर्‍याएको हो ।कालाकुण्डाको चौगुर्दी र अर्नाफाँटा गाउँमा पानी पसेको जानकारी पएपछि प्रहरी चौकी कालाकुण्डा कैलालीबाट खटिएको टोलीले उनीहरूको उद्धार गरेको हो ।

उक्त स्थानमा रहेका ८० घरधुरीमध्ये विस्थापित ४० जनालाई कालीका मावि कालाकुण्डामा राखिएको छ । बाँकीलाई आफन्तको घरमा सारेको जिल्ला प्रहरी कार्यलय कैलालीले जनाएको छ ।सशस्त्र प्रहरी ३४ नम्बर गणका गणपति सशस्त्र प्रहरी उपरीक्षक दिपेन्द्र कुवँरले कर्णाली नदीले शाहीपुरमा रहेको बाँध भत्काएपछि डुबानमा परेका टीकापुर नगरपालिकाका९ ६, ७ र ८ का बासिन्दा र कैलारी गाउँपालिकाको खोनपुरमा मोहना नदीको डुबानमा परेका बासिन्दालाई उद्धार गरिएको जनकारी दिए ।

गाउँमा पानी पसेर ८० घरधुरी विस्थापित भएको उनले बताए । सशस्त्र प्रहरीले डुबानमा परेका सर्वसाधारणसँगै किसानको धान बाली सुरक्षित स्थानमा सार्न सहयोग गरेको थियो ।