धनगढी,०१जेठ।विवेकशील साझा पार्टीका अध्यक्ष रविन्द्र मिश्रले संघीयता के का लागि भन्दै प्रश्न गरेका छन् । 

शनिवार सामाजिक सञ्जाल फेसबूकमा एक स्टाटस लेख्दै उनले संघीयता र स्थानीय सरकार केका लागि भन्दै प्रश्न गरेका हुन् । 

उनले मुलुक कोरोना संक्रमणको महासंकटमा रहेको बेला हरेक नागरिकले ‌औषधी, अक्सिजन, अस्पताल, बेड, खाना, नाना‍, पैसा सबै आफैँ जोहो गर्नु परेको बताएका छन् । 

उनले भनेका छन्, 'शीर्ष भनिने नेताहरू सरकार जोगाउने र ढलाउने कोठे संवादमा व्यस्त छन्। बाहिर जनता मरिरहेका छन्। मानवता नै नभएकाहरुमा समानुभूतिको भाव हुने त कुरै भएन। तर भोली फेरी जनअनुमोदित हुने त हामी नै हौँ भन्नेमा उनीहरू ढुक्क छन्।'

उनले प्रधानमन्त्री केपी शर्मा ओलीले राष्ट्रपति विद्यादेवी भण्डारीबाट प्रधानमन्त्री पद तथा गोपनीयताको सपथ ग्रहण गर्दा प्रतिज्ञा गर्छु नभएको प्रति लक्षित गर्दै भनेका छन्, 'ताली बजाइदिनेहरूको कमि नभएपछि कु(पथमा हिँडिरहेकाहरूलाई सपथका शब्द अटेर गर्दा के नै फरक पर्थ्यो र ?'