कार्यक्रममा बोल्दै थप्छन, “गाउँको मुखिया भलमन्सालाई कानुनले कुनै अधिकार दिएको छैन । र पनि, उनीहरू गाउँका झै–झगडा मिलाउँछन् । विकास निर्माणको अगुवाइ गर्छन् । त्यो जिम्मेवारी समुदायले भलमन्सालाई दिएको छ ।” उनले भने, “। कुनै बेला भलमन्सालाई गाउँका न्यायाधीश भनिन्थ्यो । किनभने, उसको निर्णय अन्तिम हुन्थ्यो । त्यसको मुख्य कारण भलमन्सा लोकतान्त्रिक प्रक्रियाबाट चयन हुुनु थियो । गाउँभरिका बासिन्दाले हात उठाएर प्रत्यक्ष मतदानमार्फत भलमन्सा छान्छन् । त्यसैले, कानुनले मान्यता नदिए पनि गाउँको विकास र झै–झगडा मिलाउने अधिकार भलममंसाले पाउँदै आएको छ ।”
थारू समुदायमा पुर्खादेखि चल्दै आएको भलमन्सा प्रथाको महत्व अहिले पनि उत्तिकै रहेको छ । भलमन्सा तोकिसकेपछि समुदायका हरेक निर्णयहरु भलमन्साकै निर्देशन अनुसार हुने गरेको गाउँका अगुवा जगदिश चौधरीको भनाई छ । १६ औं पटक सम्म पनि आफुलाई जिम्मेवारीमा खटिन पाउदा खुसि लाग्नुको संगसंगै थप प्रभावकारी भएर लाग्ने भलमन्सा छेदुलाल चौधरीको भनाई छ । गाउँमा बर्षभरिका निर्णयहरु र समस्याहरुको सम्बोधन गरे वापत गाउलेहरुले भलमन्सालाई बार्षिक रुपमा पारिश्रमिक समेत दिने गरेका छन् ।
