ल्होसारको शुभकामना दिँदै प्रचण्डको आग्रह : ‘एकतावद्ध भई आन्दोलनमा लागौं’
धनगढी,१५ पुस,।नेपाल कम्युनिस्ट पार्टी (नेकपा) अध्यक्ष पुष्पकमल दाहाल ‘प्रचण्ड’ले राजनीतिक उपलब्धी रक्षाका लागि एकतावद्ध भएर आन्दोलनमा लाग्न आग्रह गरेका छन् ।
तमु ल्होसार पर्वको शुभकामना सन्देश जारी गर्दै अध्यक्ष प्रचण्डले पछिल्लो राजनीतिक घटनाक्रमले नेपाली जनताको त्याग र संघर्षबाट प्राप्त उपलब्धी नै गुम्ने खतरा रहेको जनाएका छन् ।
‘आफ्नो पहिचान र अधिकार रक्षार्थ नेपाली जनताले एकपटक पुनः संघर्ष गर्नुपर्ने बेला भएको छ,’ प्रचण्डले भनेका छन् ।
