कैलाली,२९मंसिर।कैलालीको धनगढी उपमहानगरपालिका १४ फूलवारीका दुई महिलाले दुनाटपरी उद्योग सञ्चालन गरी राम्रो आम्दानी गर्न थालेका छन् । स्थानिय दुई जना महिलाले  छुट्टा छुट्टै लगानीमा उद्योग संचालन गरका हुन् ।धेरै लगानी पनि नलाग्ने आयआर्जन गर्न पनि अरुको भर पर्नु नपर्ने , र कच्चा पदार्थमा रुपमा  जंगलमा जती पनि सहजै पाईने सालका पातका दुनाटरी बनाउने उद्योगले राम्रो आम्दानी दिन थाले पछि उनीहरुको जीवनशैलीमा मजाको परिवर्तन आएको छ । 
झण्डै २ लाख लगानीमा  ३ वर्ष पहिला समुह बनाएर उद्योग संचालन गरेका भए पनि आहिले आएर सरिता बुढामगर र भावना पुलामी मगरले छुट्टा छुट्टै लगानीमा  सालका पातहरुको दुनाटपरी बनाउने उद्योग संचालन गरिरहेका  छन् ।  भावनले सानीडाडाँ फूलवारी दुनाटपरी र रिताले फूलवारी दुना टपरी उद्योगका नामले   समान्य लगानीमा दुनाटपरी बनाउने मेसिन खरीद गरी व्यवसाय सुरु गरि रहेका छन् ।  उनिहरु उद्योगबाट अहिले आएर रार्मै आम्दानी गरिरहेका छन् । घर खर्च  चलाउन उनिहरुलाई सहज भएको छ भने दिनप्रतिदिन आम्दानी  बढेको छ । उद्योगको कमाईले  वालवालिकाको पठनपाठन देखि लिएर घरपरिवारको सबै खर्च टारेका छन् ।  जसका कारण श्रीमानले कमाएको सबै पैसा जोगाएर घर तथा खेतवारी जोड्न सफल भएको उद्योगी  भावना पुलामी मगरको भनाई छ ।
टपरीको साइजअनुसार  ८० पैसा देखि ३ रुपयाँसम्म मुल्य पर्ने दुनाटपरीको लागि कच्चापदार्थ भने स्थानीयबाट खरिद गर्ने गरेको  उद्योक संचलकहरुले बताएका छन् ।
अहिले उद्योगमा दैनिक एक हजार थान भन्दा बढी दुनाटपरी सम्म उत्पादन गर्न सक्ने क्षमता रहेको उनिहरुले बताएका छन् । उत्पादको  बजारमा माग अत्याधिक रहेको र आपुर्ती गर्न भ्याइनभ्याई रहेको  उनिहरु बताउछन् । 
प्रर्यावरणीय दृष्टिकोणले निकै फाइदाजनक मानिने दुनाटपरी माग बढ्दै गएको भए पनि यसको प्रवद्र्धनका लागि सरकार तथा सम्बन्धित निकायले कुनै चाँसो नदिएको  मगरको भनाई छ ।

गाउँघर शहरमा बिवाह, भोजभतेर तथा ब्रतबन्धमा प्रयोग हुने दुनाटपरी कैलाली जिल्लाभरका स्थानीयहरुले प्रयोग गर्न थालेको  छ ।कच्चापदार्थ बिक्रीबाट स्थानीयले प्रतिव्यक्ति ३ सयदेखि ५ सयसम्म आम्दानी लिने गर्छन् । फुर्सदको समयमा, गोठालो जाँदा अर्थात् घरमा बस्ने बुढापाकाहरुले पनि काम गरेर राम्रो आम्दानी लिइरहेको सञ्चालक पक्षको दाबी छ । प्रत्यक्ष अप्रत्यक्षरुमा  दुबै जनाको उद्योगमा  ४०– ४५ जना महिलाहरुले  रोजगारी  पाईरहेका  छन् । यसरी गाँउघरमै फुर्सदको समयमा  आय आर्जन गर्न पाएकोमा  स्थायी महिलाहरु पनि खुसी देखिन्छन् ।  फुर्सदको बेला स्थानिय स्तरमा  सालका पात टिप्ने र टपरी बनाउने काम पाए पछि आफुहरुलाई आयआर्जन गर्न सहज भएको स्थानिय मिना पुलामी मगरको भनाई छ  । 

बिद्युत भोल्टेज कमहुँदा भने उनिहरुले केही समस्या ब्यहोरिहेको बताएका छन् सरकारलाई उनिहरुका अद्योगहरुलाई प्रर्बद्धन गर्ने कुनै योजना नल्याएको देख्दा उनिहरुलाई दुख लागेको छ ।  हरेदिन नेपालीहरु रोजगारी गर्न छिमेकी मुलक भारत जाने गरेका छन् तर  ब्यबसाय गर्न कुनै ठुलै लगानी मात्र चाहिन्छ  भन्नेहरुका लागि यी महिलाहरु उदाहरणिय बनेका छन् । यस्ता स–साना  लगानीकर्ताहरुले गरेको  ब्यबसायलाई पनि सरकारले  प्रत्साहन गर्नु जरुरी छ ।