लम्की, ११ साउन समुदायको विपद प्रतिकार्यको लगि क्षमता विकास कार्यक्रम सम्बन्धी १ दिने अभिमुखीकरण कार्यक्रम बुधबार कैलालीको लम्कीमा सम्पन्न भएको छ । नेपाल रेडक्रस सोसाइटी जिल्ला शाखा कैलाली र बलिया उप–शाखाको संयोजनमा कार्यक्रम सम्पन्न भएको हो । नेपाल रेडक्रस सोसाइटी बलिया उप–शाखाका सभापति रंग प्रसाद तिमिल्सैनाको सभापतित्वमा भएको कार्यक्रममा प्रमूख अतिथि लम्कीचुहा नगरपालिकाका प्रमुख महादेव बजगाईँ रहनु भएको थियो । भने विशिष्ठ अतिथिमा लम्कीचहा नगरपालिकाका उप–मेयर टीका थापा र नेपाल रेडक्रस सोसाइटी कैलाली शाखाका उप–कोषअध्यक्ष मोतिप्रसाद उपाध्याय रहनु भएको थियो । समुदायको विपद प्रतिककार्यका लागि क्षमता विकास कार्यक्रमा संयोजक खगेन्द्र जोशीले कार्यमको बारेमा बोल्नु भएको थियो । कार्यक्रममा लम्कीचुहा नगरपालिका वडा नं। १ का वडा अध्यक्ष जनक बम, वडा नं। ३ का वडा अध्यक्ष भक्त बहादुर चलाउने र वडा नं। ५ का वडा अध्यक्ष माया विष्टले मन्तव्य राख्नु भएको थियो । कार्यक्रमको सञ्चालन नेपाल रेडक्रस सोसाइटी बलिया शाखाका सचिव विनोद आचार्यले गर्नु भएको थियो ।