बझाङ, ९ भाद्र। सुदूरपश्चिममा ट्राभल हिष्ट्री नै नभएको व्यक्तिमा कोरोना संक्रमण देखिएको भन्दै विभिन्न स्थानीय र जिल्लामा निषेधाज्ञा जारी गरेको छ । नागरिकहरुलाई अतिआवश्यक काममा पनि सडकमा आएमा प्रहरी प्रशासनले जरिवाना तिराउने गरेको छ । तर, सुदूरपश्चिम प्रदेश सरकारको अर्थ विकास तथा प्राकृतिक स्रोत समिति भने विभिन्न जिल्लामा पुगेर छलफलमा व्यस्त रहेको छ ।

प्रदेशका डडेल्धुरा, बझाङ, अछाम लगायतको क्षेत्रमा अनुगमन तथा जिल्लाका समस्याको वारेमा जानकारी बुझन् भन्दै भेल तथा छलफल गर्ने गरेको छ । बझाङको विकास निर्माण साथै विपद्को अवस्था र कोभिड–१९ को अवस्थालाई बुझ विस्तार गर्न सुदूरपश्चिम प्रदेश सरकारको अर्थ विकास तथा प्राकृतिक स्रोत समितिका सदस्य दीर्घ सोडारीको नेतृत्वमा टोली बझाङ पुगेको छ ।

डडेल्धुराको आलितालको विवादित सडकको अनुगमन गरी संसदीय टोली सोमबार दिउसो बझाङ चैनपुर पुगेपछी जिल्लाका सरकारी कार्यालयका प्रमुखहरु संग भेटघाट तथा कार्यालयमा भएको प्रगति र काम गर्दा देखेका समस्याका बारेमा छलफल गरेको छ ।जिल्ला प्रशासन कार्यालयमा भएको उक्त बैठकमा प्रमुख जिल्ला अधिकारी कमलराज भण्डारीले जिल्लाको शान्ति सुरक्षा विकास निमार्णका साथै बाढी पहिरोबाट भएको जिउधनको क्षति बारे टोलीलाइ जानकारी गराएका थिए । साथै जिल्ला स्वास्थ्य कार्यालयले कोभिड–१९ को असर प्रभाव र त्यसको ब्यवस्थापनको बारेमा भैरहेको प्रयास बारे जानकारी गराएका थिए ।

संसदीय दलसंग भएको बैठकमा जिल्लाका सिँचाइ डिभिजन कार्यालय, खानेपानी, कृषि ज्ञान केन्द्र, पशु कार्यालय, सडक, पुर्वाधार लगायतका कार्यालयका प्रतिनिधिहरुले आफ्नो कार्यालयबाट भए गरेका कामको बारेमा जानकारी गराएका थिए ।टोली संग अन्य सांसद अक्कलबहादुर रावल, पुर्णा जोशी, महेश दत्त जोशी, प्रेमप्रकास जोशी र गेल्बु सिंह बोहरा पनि रहेका छन् ।

साथै संसदीय टोली संग भएको पत्रकार सम्मेलनमा समेत आयोजना गरेका छन् । संसदीय टोलीले मंगलबार सेती नदीले कटान गरेको भोपुर क्षेत्रका साथै नदी किनारमा गरेका तटबन्दनका योजनाहरुको पनि अनुगमन गरेको छ ।सुदूरपश्चिम प्रदेश सरकारको संसदीय समितिको दुइ वटा टोली बनाइ सुदूरपश्चिमका पहाडी जिल्लाहरुमा जिल्लाको बस्तु स्थिति बुझ्न र केहि प्रदेश सरकारका योजनाहरु अनुगमन गर्न भ्रमण गरि रहेको टोलि प्रमुख दिर्घ सोराडीले जानकारी दिए । उनले स्थलगत भ्रमणमा देखे बुझेका र सुनेको कुराहरुको प्रतिवेदन बनाइ प्रदेश सरकार लाइ सुझाव दिने वताए ।

अर्थ विकास तथा प्राकृतिक स्रोत समितिका सभापति हर्क कुँवरले दुई टोलि बनाएर प्रदेशका जिल्लाको विपद्को अवस्थामा अध्ययन तथा बुझ् विस्तार गर्न आएको बताए । ‘प्रदेशका ९ जिल्लाको प्राकृतिक स्रोत साधन र बाढी, पहिरोको अवस्थाका अध्ययनका लागि अर्थ विकास तथा प्राकृतिक स्रोत समितिको दुई टिम फरक–फरक जिल्लामा गएको हो’ समितिका सभापति हर्क कुँवरले भने । ‘माननीय दीर्घ सोडारीको नेतृत्व र मेरो नेतृत्वमा फरक–फरक जिल्लाको अनुगमन गर्ने छ ।’