कर्तिक २५, धनगढी / नेपाली काँग्रेस कैलाली निर्वाचन क्षेत्र नम्बर ५ (क)की प्रतिनिधि सभाकी उम्वेदवार जीवन रानाले नेपाली काग्रेसले बाम गठबन्धनको जस्तो घरघरमा ग्याँसको पाईप, नेपालमा पानी जहाज चलाउने, हावाँवाट विजूली निकाल्ले जस्ता झँुटो आश्वासन दिन नसक्ने बताएकी छिन् । नेपाली काँग्रेस कैलाली निर्वाचन क्षेत्र नम्बर ५ (क)का बिभिन्न बडाहरुमा सम्पर्क कार्यलय उद्घाटन कार्यक्रममा उनले सो कुरा बताएकी हुन । रानाले नेपाली काँग्रेसले संबिधान निर्माण र देशको विकास गर्नमा महत्वपूर्ण भूमिका खेलेको भन्दै काँग्रेसको नेतृत्वमा सरकार बने सुकुम्बासी समस्या सामाधान गर्ने , शिक्षा स्वास्थ्य, खानेपानी बाटोघाटो, बिजूली बत्तीका साथै आर्थिक समाजिक विकासले गती लिने बताईन् । श्निवार नेपाली काँग्रेस निर्वाचन क्षेत्र नम्बर ५ (क)ले कैलारी गाउँपालिकाका वडा नम्बर ६, ९ र धनगढी उपमहानगरपालिकाका वडा नम्बर ५ बाहेकका सवै वडाहरुमा आसन्न निर्वाचनको प्रचारप्रसार गर्न सम्पर्क कार्यलयहरुको स्थापना गरीएको निर्वाचन क्षेत्र नम्बर ५का प्रबक्ता भिम पडालले जानकारी दिएका छन् । यस्तै कैलालीको धनगढी उपमहानगरपालिका १४ को सम्पर्क कार्यलय उद्घाटनमा वोल्दै नेपाली काग्रेस कैलालीका नेता नारायण दत्त भट्ट, गणेश देउवा र लक्ष्मी देवकोटाले प्रजातन्त्र ,स्वतन्त्रता र आर्थिक सम्बृद्धि गर्नकोलागि नेपाली काँग्रेसले चुनाब जित्नु पर्नेमा जोड दिएका छन् । सो उद्घाटन कार्यक्रम वडा नम्बर १४का सभापती हर्क घिमिरेको सभापतित्वमा सम्पन्न भएको थियो ।