फुलवारी खबर सम्बाददाता 

धनगढ़ी, २९ असार ।  कैलाली  जिल्लाको चुरे गाउँपालिका वार्ड नं.१  घरखेडाको ठुलिखाली  सामुदायिक   बनमा अम्रिसोको  विरुवाहरुको  वृक्षारोपण कार्यक्रम सम्पन्न भएको छ ।
घरखेडाको ठुलिखाली  सामुदायिक   बनमा चार भागमा विभाजित क्षेत्रमा करिब चार हजार  विरुवाहरुको  वृक्षारोपण कार्यक्रम सम्पन्न भएको हो । सामुदायिक बन र उपभोक्ताको  समन्वयमा वृक्षारोपण कार्यक्रम सम्पन्न भएको हो ।
वृक्षारोपण कार्यक्रममा  ठुलिखाली  सामुदायिक   बनका पदाधिकारी सदस्यहरु  ,स्थानियबासीहरुको ठूलो सहभागीता रहेको  थियो। कार्यक्रम सामुदायिक बन उपभोक्ता समितिका अध्यक्ष रमेश प्रशाद कडेलको अध्यक्षता  बाट   सम्पन्न भएको हो ।
अध्यक्ष कडेलले वातावरण जोगाउन वन संरक्षण र वृक्षारोपण आवश्यक रहेको पनि बताएका छन्  ।

     सामुदायिक बनले आयोजना गरेको उक्त अम्रिसो खेति कार्यक्रममा १८० घर धुरी मध्ये करिब १५० घर धुरीका उपभोक्ताको उपस्थिति रहेको थियो । वर्षा याममा बाढी पहिरो जाने र उक्त बाझो खेतीलाई उचित ब्यबस्थापनको निम्ति सदुपयोग गरेको ठुली खालि सामुदायिक बनका कोषा-अध्यक्ष महाबिर सिंह ठगुन्ना  ले जानकारी दिए ।
 करिब ३५० हेक्टरमा गरिएको उक्त अम्रिसो खेतिमा चार हजार अम्रिसो लगाइएको हो ।