धनगढी,१६ चैत ।भारतको  राजधानी नयाँ दिल्लीमा लकडाउनका कारण  सयौ नेपालीहरु भोकभोकै  बस्न बाध्य भएका छन् ।  भारतको नयाँ दिल्ली स्थित  सब्जी मन्डी र अन्य थुर्पै स्थानका सयौ नेपालीहरु भोकभोकै  भारत र नेपालमा  जारी लकडाउनका कारण भोकभोकै बस्न बाध्य भएका हुन् ।

 
बिशेष गरि भारतमा मजदुरी गर्ने नेपालीहरु बढी समस्यामा  परेको सुदूरपश्चिमेली समाज भारतका केन्द्रिय कोषाध्यक्ष महादेब भट्टले फूलवारी खबरलाइ जानकारी दिए  ।  दुबै देश भएको  लकडाउनका कारण अलपत्र नेपालीहरु  नत स्वादेस फर्कन सक्ने अबस्था छ नत भारतमै मजदुरी गरेर बस्ने अबस्था नै रहेको  कोषाध्यक्ष भट्टले  जानकारी दिए । उनका अनुसार सयौ नेपालीहरुलाइ दिल्लीमा नेपालीहरुलाई कसैले पनि कोठा दिन मानिरहेका छैनन् भने कोठामा बसेकाहरुलाइ घरवेटीले निकाल्ने गरेको छ ।

अलपत्र नेपालीहरुलाइ स्वदेश फर्कने ब्यबस्था मिलाइ दिन भनेर नयाँ दिल्ली स्थित नेपाली राजदुताबासमा पटक पटक आग्रह गरे पनि कुनै सुनवाइ नभएको सुदूरपश्चिमेली समाज भारतका दिल्ली राज्य समिति सदस्य  गणेस दत्त भट्टले जानकारी दिएका छन् । उनले भारतमा अलपत्र परेका नेपालीहरुको ब्यबस्थापन गर्न नेपाल सरकारले चाँडो पहल लिनु पर्ने  समेत बताए ।