सुरेश धामी

बझाङ १५ माघ/ बझाङ्गको जयपृथ्वी नगरपालिका–१ कैलासमा रहेको नारायण माध्यामिक बिद्यालयमा स्थानियले तालाबन्दी गरेका छन् । 
शिक्षकले विद्यालयहाता भित्रै मदिरा सेवन गरेको भन्दैे विज्ञप्ती जारीगर्दै  स्थानियले बिद्यालयमा तालाबन्दी बुधबार गरेका हुन् । 
विद्यालयका सह–प्रधानाध्यापक गङ्गो बहादुर सिँह लगाएतका ५ जना शिक्षकले सामुहिक रुपमा बिद्यालयहाता भित्रै मदिरा सेवन गरेको विज्ञप्तीमा उल्लेख छ । 
मंगलबार दिउँसो शिक्षकहरुले एक बिद्यार्थिलाई बजारबाट मदिरा ल्याउन लगाएको र अन्य बिद्यार्थिलाई विद्यालय समयभन्दा अगाडीनै घर पठाएको स्थानियको आरोप छ । 
सरकारी नियम अनुसार ४ बजे बिद्यालय बन्द गर्नु पर्ने भए पनि शिक्षकहरुले बिद्यालयमै मदिरा सेवन गर्न मंगलबार दिँउसो २ बजेनै बिद्यालय बन्द गरेको उनिहरुको भनाई छ ।  
यसरी शिक्षकहरुले  विद्यालयहाता भित्रै मदिरा सेवन गर्दा बिद्यार्थीको पठन पाठनमा समस्या भएको र विद्यार्थिको भविष्यमाथि खेलवाड गरेको विज्ञप्तीमा उल्लेख छ । सोही विद्यालयमा अध्ययनरत विद्यार्थिहरुले पनि शिक्षकले विद्यालयभित्रै मदिरा सेवन गरेको बताएका दाबि गरेका छन् । 
सह प्रधानाध्यापक सिँहले भने विद्यालयमा कुनै अनैतिक क्रियाकलाप नगरेको बताए । उनले विद्यालय समयमै छुट्टी गरेको र मदिरा सेवनको आरोप झुटो भएको बताए । मंगलबार बिध्यार्थीको न्युन उपस्थिती भएको कारण बिद्यालय २ बजेनै बन्द गरेको उनले स्विकार गरे । सिहंले भने–‘हामिले विद्यालय बिदा गरेर घर गईसकेपछि पछि कसले के गर्यो मलाई केही थाहा छैन् ।’ विद्यालयभित्रै कुनै शिक्षकले मदिरा सेवन गरेको पाईएमा छानबिन गरि कारबाही गरिने बताए । 
विद्यालय व्यवस्थापन समितिका अध्यक्ष सुरज बहादुर सिहंले आफु चैनपुर भएको कारण यस बारेमा कुनै जानकारी नभएको प्रतिक्रिया दिए ।