कैलाली, २९ कात्तिक/सुदूरपश्चिम प्रदेशका मुख्यमन्त्री त्रिलोचन भट्टले कैलालीमा विगत देखी लागुहुँदै आएको स्टिम परियोजना प्रदेशका अन्य जिल्लामा पनि लागु गर्न आग्रह गरेका छन् । 
खास गरी बालिकालाई शिक्षा पर्दानमा महत्वपूर्ण सहयोग गर्दै आइरहेको स्टिम परियोजनाले शिक्षा क्षेत्रमा राम्रो प्रभाव पारेको बताउँदै मुख्यमन्त्री भट्टले सो परियोजना अन्य जिल्लामा पनि विस्तार गर्न आग्रह गरेका हुन् । 
शुक्रबार आयोजित स्टिम उत्सव उद्घाटन गर्दै मुख्यमन्त्री भट्टले पहाडी जिल्लामा बालिका शिक्षाको अवस्था अझै दयनिय रहेको भन्दै ती स्थानमा पनि परियोजना लागु गर्न आग्रह गरेका हुन् । 
‘स्टिम परियोजनाले विद्यार्थीको सिकाई संगै जीवन उपयोगी शिप आर्जनमा पनि महत्वपूर्ण भूमीका खेल्ने गरेको पाइयो’ उनले भने–‘यदी पहाडी जिल्लामा रहेका बालिकाले पनि यस्तो वातावरण पाए शिक्षाको स्तर सुधारमा टेवा पुग्न सक्छ ।’ 
मुख्यमन्त्री भट्टले प्रदेशको शिक्षा स्तरलाई सुधार्न सरकारले शिक्षा नीति निर्माण गरिरहेको बताए । उनले सामुदायिक विद्यालयको स्तर सुधार्न राजनीतिक दल, देखी सरकाररी कर्मचारीका बालबालिका सामुदायिक विद्यालयमै भर्ना हुनुपर्नेमा जोड दिए । ‘जव सम्म सामुदायिक विद्यालमा कसैले अपनत्व गर्दैन तव सम्म त्यस क्षेत्रमा सुधार आउन सक्दैन’ मुख्यमन्त्री भट्टले भने–‘सामुदायिक विद्यालयमा सवैको अपनत्व हुन, शिक्षक, सरकारी कर्मचारी र राजनीतिज्ञले आफ्ना छोराछोरी सामुदायिक विद्यालयमै भर्ना गर्नु आवश्यक छ ।’ 
उनले सामुदायिक विद्यालयको स्तर सुधारका लागि त्यहाँ कार्यरत शिक्षक संगै अभिभावकले पनि जिम्मेवारी बहन गर्नु आवश्यक रहेको बताए । ‘सामुदायिक विद्यालयमा सरकारको करोडौं लगानी रहेको भन्दै मुख्यमन्त्री भट्टले भने–‘तर अहिले हामीले यस क्षेत्रमा कर्मचारी समेत पाउन सकेका छैनौं, यो हाम्रै कमजोरीका कारण भएको हो ।’ अव भने यस क्षेत्रमै दक्ष जनशत्ति उत्पादन गर्ने गरी शिक्षा नीति निर्माण गर्ने प्रयासमा प्रदेश सरकार रहेको उनले बताए ।
यस्तै कार्यक्रममा सहभागी टिकापुर नगरपालिका मेयर तपेन्द्र रावलले स्टीम परियोजनाले कैलालीका विभिन्न स्थानिय तहका विद्यालहरुको शैक्षिक अवस्था सुधारको लागी महत्तपुर्ण योगदान दिएको बताए । उनले सिमान्तकृत बालिकाहरुको क्षेत्रमा काम गर्दै आएको स्टिमले शिक्षाको पहुचँबाट टाढा रहेका हरेक बालिकाहरुलाई शिक्षाको पहुचँ पुर्याएको धारणा राखे । 
मेयर रावले स्थानिय सरकार आइसकेपछि शिक्षाका क्षेत्रमा थुप्रै परिर्वतनहरु भएको बताउदै, विभिन्न संघ संस्था, निजी क्षेत्र र दातृनिकायहरुको सहयोग आवश्यक रहेको बताए । 
यस्तै कैलालीका मुख्य न्यायााधिवक्ता पुर्णान्नद पाध्यायाले शैक्षीक क्षेत्रको विकासको लागी स्टिम परियोजनाले ठुलो योगदान दिएको बताए । यसरी सिमान्तकृत बालिकाहरु लाई राज्यको मुलधार र शिक्षाको पहुचँमा ल्याउन सबै क्षेत्रबाट लाग्नुपर्ने बताए ।  
संस्थाका निर्देशक चुर्न बहादुर चौधरीले सिमान्तकृत बालबालिकाहरुलाई शिक्षाको पहुचँमा ल्याउन परियोजनाले कैलाली लगाएत देशका विभिन्न जिल्लाहरुमा काम गरीरहेको बताए । निर्देशक चौधरीले बालिकाको शैक्षीक क्षेत्रमा सुधार ल्याउन सरकार संग सहकार्य गरेर काम गरिरहेको बताए । 
स्टिम परियोजनाले कैलाली जिल्लाका विभिन्न विद्यालयमा झण्डै ६ हजार बालिकाहरुको शिक्षामा सहयोग गर्दै आएको उनले बताए । बालिकाहरुलाई विद्यालयमा विभिन्न किसीमका तालिमहरु प्रदान गर्ने, आत्मा सुरक्षाको ज्ञान दिने, पढाईमा उत्प्रेणा जगाउन् क्रिकलापहरुमा सहभागी गराउदै बालिकाको व्यक्तित्व विकासमा परियोजनाले काम गरिहेको बताए । 

स्टेम उत्सव कार्यक्रममा सहभागी विभिन्न विद्यालयका बिद्यार्थि बालबालिकाहरुले आफुहरुले तयार गरेका नमुना कला सामाग्रीहरु पर्दशन गरेका थिए ।  लोप भईसकेका परम्परागत नमुना सामाग्रीहरु र विज्ञान सम्बन्धीका विभिन्न नमुनाहरु उत्सव स्टलमा पर्दशन गरिएका सामाग्रीहरु मुख्यमन्त्री भट्टले अवलोकन समेत गरेका थिए । उत्सवमा परियोजना अन्र्तगतका शैक्षीक क्षेत्रमा काम गर्दै आएका विभिन्न संघ संस्थाहरुले स्टल राखेका थिए ।