सञ्जय राना सहित २ जना पुर्पक्षका लागि कारागार चलान २ जना साढे तीन लाख धरौटीमा रिहा
Share
Tej Bohara 2076/07/23

धनगढी, २२ कात्तिक – ठगी गिरोहका मुख्य अभियुक्त धनगढी ६ का सञ्जय राना सहित दुई जनालाई पुर्पक्षका लागि कारागार चलान गरिएको छ । कैलाली जिल्ला अदालतमा आज सम्पन्न थुनछेक बहसमा उक्त आदेश गरिएको हो ।
कैलाली जिल्ला अदालतका न्यायाधीश कृष्णप्रसाद नेपालको इजलासले राना सहित उनका सहयोगीका रूपमा पक्राउ परेका धनगढी ३ का रुद्रप्रसाद अधिकारीलाई पनि कारागार चलान गर्न आदेश दिएको छ ।
रानाकै सहयोगी भनिएका धनगढी ६ का कमल बहादुर बिक भने साढे तीन लाख धरौटीमा रिहा भएका छन् । उक्त घटनामा संलग्नता रहेको आरोपमा पक्राउ परेकी रानाकी साली कल्पना दियाकोटी(साउद) पनि साढे तीन लाख धरौटी बुझाएर रिहा भएकी जिल्ला अदालत कैलालीका सूचना अधिकारी नरबहादुर नेगीले बताए ।