देबानन्द न्यौपाने लम्की २४ भाद्र यहि भाद्र ३० र ३१ गते कैलालीको लम्कीमा हुन लागेको नेपाल जेसीजको क्षेत्र घ सम्मेलनको तायारी तिब्र पारीएको छ । सम्मेलनमा नेपाल जेसीजको क्षेत्र झघझ अन्तरगतको नवलपरासिको गैडाकोटदेखि महाकाली सम्मका ४२ शाखाका करीब ४ सय जनाले सहभागिता जनाउने छन । २ दिन सम्म सञ्चालन हुने सम्मेलनमा करीब १५ लाख रुपैयन बराबर खर्च हुने अनुमानित गरीएको छ । सम्मेलन अवधिभर उत्कृष्ट तालिम, स्थानिय कला संस्कृतिको प्रर्दशनी, धार्मिक तथा पर्यटकीय स्थल चिसापानी, घोडाघोडी ताल, टीकापुर पार्क, कैलाशधाम तीर्थस्थल, महोना डल्फिन अवलोकन, राजकाडाको सुर्योदय अवलोकन, कला संस्कृति झल्कने यस क्षेत्रका बिभिन्न सांस्कृतिक कार्यक्रमको समेत सञ्चालन गरीने बताइएको छ । सम्मेलनले यस क्षेत्रको समग्र आर्थिक, सामाजिक, सांस्कृतिक तथा धार्मिक र पर्यटकीय विकासमा समेत महत्वपुर्ण टेवा पुग्ने भएकाले सम्मेलन सफल पार्नका लागि क्षेत्र घ अन्तरगतका सम्पुर्ण शाखाहरु, नेपाल जेसीज, नेपाल जेसिज अन्तरगत अन्य क्षेत्रहरु, लम्की क्षेत्रमा अवस्थीत विभिन्न संघ संस्था, ब्यापारी उद्योगी, शिक्षक, सरकारी तथा गैर सरकारी निकाय, बैक तथा वितिय क्षेत्र पत्रकार लगायत सबैमा सहयोगको लागि आग्रह समेत गरीएको छ । नेपाल जेसिजका नेपालमा ४ वटा क्षेत्र रहेका छन । सम्मेलनको तयारी अन्तरगत सहभागिलाई आवासको ब्यावस्था, खना, लगायतका अन्य तयारी अन्तीम चरणमा पुगेको सम्मेलनका निर्देशक डम्मबर बहादुर शाहले जानकारी दिनुभयो ।