कैलाली ७ कात्तिक/ युट्युवर तथा मोडल सोनिका रोकाया र पूर्व युवराज पारस शाह बिचको हिमचिमलाई केही समय अगाडी मिडिमा निकै चर्चाको विषय बनेको थियो । विवादमा पटक पटक विवादमा आइरहने पूर्व युवराज पारस शाहको नाम यस पटक युट्युवर तथा मोडल सोनिका रोकायासँग जोडिएको छ ।
दरवारमार्ग्स्थित सोनिकको लगानी रहेको लिक्विड लाउन्जमा बाक्लै रुपमा देखिने गरेका पारस पछिल्लो समय पोखरामा सोनिकालाई हार्ले डेबिडसन बाइकको पछाडि राखेर हुँकिएको भिडियो टिकटकमा भाइरल भएको थियो ।
उक्त भिडीयो भाईरल भएसंगै चर्चामा आएका सोनिका र पारस यतिखेर अन्नपुर्ण बेसक्याम्प पुगेका छन् । सोनिकाले आफ्नो फेसबुकमा आफु अन्नपुर्ण बेसक्याम्पमा रहेको भन्दै सार्वजनिक गरेका केही तस्बीरमा पूर्व युवराज पारस पनि देखा परेका छन् । सोनिकाले भने यसबारेमा कुनै जानकारी गराएकी छैनन् । 
पछिल्लो समय पारस र सोनिका बिचको निकतालाई लिएर सामाजिक सञ्जालमा निकै चर्चा हुने गरेको छ । शाहज्यादा, युवराज हुँदै पूर्वयुवराज बनिसक्दा पनि आफ्नै व्यवहारका कारण पारस पटकपटक विवादमा आइरहेका छन् । कहिले प्रहरीलाई कुटेर त कहिले ट्राफिक नियम तोडेकामा गाडी रोक्न खोज्ने ट्राफिक प्रहरीलाई नै किच्न खोज्ने उनको उग्र व्यवहार देखिइनै रहेको छ ।
सुरा र सुन्दरी पनि छुटेको छैन उनको विवादमा । चार वर्ष थाइल्याण्ड बसाईमा उतैकी युवती कनिका चाइसानसँगको प्रेम सम्बन्ध सार्वजनिक भएको थियो ।
कन्निकाले पारस आफ्ना श्रीमान भएको र उनको तर्फबाट एकजना सन्तानसमेत रहेको भन्दै एक बालकको तस्बिरसमेत सार्वजनिक गरेकी थिइन् । श्रीमती हिमानी शाहसँग उनको ठाकठुक त पुरानै हो । कानुनी रुपमा यी दुबै श्रीमान श्रीमती भए पनि सँगै बस्दैनन् ।

हिमानी निर्मल निवासमा बस्छिन् । पारसलाई निर्मल निवासमा प्रवेश अनुमति छैन । मोडल सोनिकाले अफेयर नभए पनि आफू पारससँग निकट भएको बताउदै आएकीछन् ।