पाण्डव पुजारा भाद्र १६, फुलबारी धनगढी उपमहानगरपालिका वडा नम्बर १४ मा गौरा पर्वको अवसरमा आयोजित खुल्ला देउडा प्रतियोगीता शुक्रबार सम्पन्न भएको छ । धनगढी उपमहानगर वडा नम्बर १४को गौरा संचालक समितीले आयोजना गरेको खुल्ला डेउडा प्रीतयोगीता अन्र्तगत पुरुष डेउडा प्रतियोगीता र महिला देउडा प्रतियोगीता भएको थियो । पुरुष र महिला प्रतियोगीतामा क्रमशः ८ टिमले सहभागी जनाएका थिए । जसमा महिला देउडा प्रतियोगीतामा धनगढी उपमहानगरपालिका १४ कि मानमती भट्ट प्रथम, देवकला जोशी दोश्रो र तुलसी भट्ट तेश्रो भएका छन् । पुरुष देउडा प्रतियोगीतामा चौमालाका रुद्रदेव ओझा प्रथम, धनउपा १४ का कर्ण बहादुर बिष्ट दोश्रो, र दिपक बम तेश्रो भएको संचालक समितीका सदस्य प्रयागराज जोशीले बताए । महिला र पुरुष प्रतियोगीतामा प्रथम हुनेलाई क्रमशः नगद ५ हजार, दृतिय तिन हजार, र तेश्रो हुनेलाई दुई हजार रुपैँया प्रदान गरिएको थियो । देउडा खेल प्रतियोगीताका लागी धनगढी उपमहानगरपालिका वडा नम्बर १४ बाट १ लाख छुट्याईएको संचालक समितीका सदस्य प्रयागराज जोशीले बताए । धनगढी उपमहानगरपालिकाका मेयर नृप वडले उद्घाटन गरेको प्रतियोगीताको समापन कार्यक्रमका प्रमुख अथिती धनगढी उपमहानगरपालिकाका १४ का वडाअध्यक्ष रामबजारी चौधरी रहेका थिए ।