कैलाश कठायत 
धनगढी २८ फागुन
घोडाघोडी युबा क्लब सुख्खड र मालीका चौलागाइ एण्ड उत्कृष्ट ग्रुप साहारा पहलमानपुर कैलालीको गौरीगंगामा जारी बाह्रवन दोस्रो आमन्त्रित गौरीगंगा कप फुटबल प्रतियोगिताको सेमिफाइनलमा प्रबेस गरेका छन ।

मंगलबार भएका खेलहरुमा घोडाघोडी सुख्खडले सुदुरपश्चिम ११ स्पोर्टस क्लबलाइ  र साहारा पहलमानपुरले युनाइटेड युथ क्लब दाङलाइ पराजित गर्दै सेमिफाइनलमा स्थान बनाउन सफल भएका हुन । मंगलबारको पहिलो खेलमा  घोडाघोडी क्लब सुख्खडले सुदुरपश्चिम ११ स्पोर्टस क्लबलाइ १–० ले पराजित ग¥यो । 

घोडाघोडिलाइ जित दिलाउने क्रममा सन्जोग महर्जनले निर्णायक गोल गरे । उत्कृष्ट प्रदसन गर्ने घोडाघोडीका बादल तामाङ खेलको म्यान अफ द म्याच भए । यसैगरी मंगलबारको दोश्रो खेलमा मालीका चौलागाइ एण्ड उत्कृष्ट ग्रुप साहारा पहलमानपुर युनाइटेड युथ क्लब दाङलाइ ट्राइब्रेकरमा पराजित गर्दै सेमिफाइनलमा पुग्न सफल भयो ।

निर्धारीत समयको खेल २–२ को बराबरीमा रोकिएपछी खेल ट्राइब्रेकर सम्म पुगेको हो । खेलमा दाङका लागी अर्जुन नेपालीले दुइ गोल गरेका थिए भने एउटा आत्मघाति गोलको उपहार पाएको साहारा पहलमानपुरका लागि कमल देउबाले निर्णायक गोल गरेका थिए । दाङका अर्जुन नेपाली खेलको म्यान अफ द म्याच भए । 

प्रतियोगिता अन्र्तगत बुधबार १ खेल हुनेछ । बुधबार नेपालगञ्ज ११ र फारवेस्ट पसुपति क्लबका बिच खेल हुनेछ । यो खेलमा बिजयि हुने टोली सेमिफाइनल प्रबेस गर्नेछ । देशभरका १२ टोलीको सहभागिता रहेको प्रतियोगिताको विजेताले ३ लाख र उपविजेताले १ लाख ५० हजार नगद पुरस्कार पाउने छन ।  

प्रतियोगिताको सर्वोत्कृष्ट खेलाडीलाई ३० हजार सर्वाधिक गोलकर्ता, उत्कृष्ट गोलरक्षक, उत्कृष्ट रक्षक र उदयमान खेलाडीलाइ १०÷१० हजार प्रदान गरिने आयोजक कल्बका अध्यक्ष्म दिनेश कलेलले जानकारी दिनुभयो ।