कैलाली, ८ माघ/ डडेलधुराको पर्शुराम नगरपालिका वडा नम्बर–११ बैजनाथ मावि सलेनमा यही माघ १४ गते नगरपालिका स्तरिय हाजिरिजवाफ प्रतियोगिता हुने भएको छ । 

मीन बहादुर थापा मेमोरियल फाउन्डेसनको आयोजनामा मावि स्तरिय हाजिरिजवाफ प्रतियोगिता हुन लागेको हो । नगर पालिका भित्रका विद्यार्थीको व्यक्तित्व बिकास, विद्यार्थीको चौतर्फी बिकासको लागि हाजिरिजवाफ प्रतियोगिता आयोजना गरिन लागेको जनाएको छ । 

बैजनाथ मावि सलेनमा आयोजना हुने हाजिरिजवाफ प्रतियोगितामा १७ विद्यालयले सहभागी हुने फाउन्डेसनका संरक्षक बिरेन्द्र थापाले जानकारी दिएका छन् ।

बैजनाथ माविमा हुने हाजिरिजवाफ प्रतियोगितामा प्रथम पुरुस्कार ११ हजार, दुत्तिय पुरुस्कार ५५ सय र तृतीय पुरुस्कार ३३ सय हुनेछ । बिगत केही बर्षदेखि निरन्तर समाजिक कार्यमा रहेको मीन बहादुर मेमोरियल फाउन्डेसनले गत बर्ष खुल्ला भलिबल प्रतियोगिता, हाजिरिजवाफ प्रतियोगिता गरेको थियो । 

बिगत बर्षको बार्सिक प्रगति हेरेर यो बर्षको बार्सिक छात्रवृत्ति बैजनाथ मावि कक्षा १ मा अध्यनरत छात्र मुकेश बोहरालाई दिइने भएको छ । प्रत्येक बर्ष जिल्लाका विभिन्न क्षेत्रमा समाज परिवर्तनको लागि कार्यक्रम गर्दै आएको मीन बहादुर मेमोरियल फाउन्डेसनले अगामी बर्ष यहि १४ गते हुने हाजिरीजवाफ प्रतियोगितामा पहिलो स्थान ल्याउने विद्यलयमा अगामी बर्षको कार्यक्रम हुने पनि फाउन्डेसनका अध्यक्ष जयराज घिमिरेले जानकारी दिएको छ । 

अन्तराष्ट्रीय खेलाडी मीन बहादुर थापाको अकालमै आकस्मिक निधन भएपछि उहाकै नामबाट संचालित फाउन्डेसनले केही बर्ष अगाडिदेखि युवा र विद्यार्थीलाई प्रोत्साहित हुने गरेर कार्यक्रम गरिरहेको छ ।