धनगढी । सुर्मादेबी बझाङ्गी समाजले धनगढीमा बृक्षारोपण गरेको छ । समाजले आज  धनगढी स्थित वडा न. ६ जालिमा रहेको आफ्नो कार्यालय परिसरमा बृक्षारोपण गरेको हो । 

धनगढी शहरलाई हरियाली बनाउने अभियानलाई सहयोग गर्न आफ्नो संस्थाको कार्यालय परिसरमा बृक्षारोपण गरिएको बझाङ्गी समाजका वरिष्ठ सदस्य ज्योति प्रकाश जोशिले बताए ।उनले धनगढीमा रहेका हरेक परिवार, संस्था, कार्यालयले आआफ्नो आंगन, मैदान तथा परिसरमा बृक्षारोपण गरेमा धनगढीलाई हरियाली शहर बनाउन समय नलाग्ने बताए । 

बृक्षारोपणले कार्यालयको सुन्दरता बढाउनुका साथै वातावरणीय स्वास्थ र स्वच्छ्तामा सहयोग पुग्ने भएकाले सबैले आआफ्नो ठाउँमा बृक्षारोपण गर्नुपर्ने उनले बताए । 

पुर्खौली घर बझाङ भर्इ हाल धनगढीमा बस्दै आएका युवाहरुले गठन गरेको सुर्मादेबी बझाङ्गी समाजले विभिन्न सामाजिक कार्यहरु गर्दै आएको छ । बृक्षारोपण पनि महत्त्वपूर्ण कार्य भएकाले आफ्नो कार्यालयको  परिसरभित्र असोक, धुपी सल्ला, लिची,आँप लगायतका बिरुवाहरु रोपेको जोशीले जानकारी दिए ।