धनगढी । कैलालीमा अवैध लागुऔषधसहित ७ जना युवक पक्राउ परेका छन् । जिल्लाका विभिन्न स्थानबाट लागुऔषधसहित ७ जना युवक पक्राउ परेका हुन् ।शनिबार बेलुका धनगढी उपमहानगरपालिका ४ भाटभटेनी नजिकबाट सोही ठाउँ बस्ने २७ वर्षका महेश भट्टलाई २ ग्राम ४७० मिलिग्राम र धनगढी ४ यातायात कार्यालय नजिकबाट सोही ठाउँ बस्ने २८ वर्षका गोपाल रामजाली मगरलाई ५१० मिलिग्राम लागुऔषध खैरो हिरोइन जस्तो देखिने धुलो पदार्थसहित लागुऔषध नियन्त्रण व्यूरो शाखा कार्यालय धनगढी, कैलालीबाट खटिएको प्रहरी टोलीले नियन्त्रणमा लिएको हो ।शनिबार बेलुका नै धनगढी(१२ पट्टीघाटबाट सोही ठाउँ बस्ने २५ वर्षका रामगोपाल राना समेत दुई जनालाई १ ग्राम ३४० मिलिग्राम लागुऔषध खैरो हिरोइन जस्तो देखिने धुलो पदार्थसहित ससस्त्र प्रहरी बल बीओपी जुगेडा, कैलालीबाट खटिएको प्रहरी टोलीले नियन्त्रणमा लिई आवश्यक कारबाहीको लागि जिल्ला प्रहरी कार्यालय कैलालीमा बुझाएको बताएको छ ।यसैगरी, टीकापुर नगरपालिका(९ खक्रौलास्थित मुख्य सडकखण्डबाट जानकी गाउँपालिका(९ खैरीफाटा बस्ने १९ वर्षका सचिन रावललाई ३ ग्राम ९८० मिलिग्राम लागुऔषध खैरो हिरोइन जस्तो देखिने धुलो पदार्थसहित इलाका प्रहरी कार्यालय टीकापुर, प्रहरी चौकी सत्ती र प्रहरी चौकी कालाकुण्डाबाट खटिएको प्रहरी टोलीले नियन्त्रणमा लिएको जनाएको छ ।धनगढी ८ संगम टोल बस्ने २८ वर्षका सुरेश चौधरीको घरमा खानतलासी गर्दा लुकाई छिपाई राखेको १ ग्राम ५९० मिलिग्राम र उनीसँगै रहेका धनगढी(१ बस्ने २८ वर्षका मनिष चौधरीको साथबाट १ ग्राम ८४० मिलिग्राम लागुऔषध खैरो हिरोइन जस्तो देखिने धुलो बरामद गरी उक्त पदार्थ र दुवै जनालाई जिल्ला प्रहरी कार्यालय कैलालीबाट खटिएको टोलीले नियन्त्रणमा लिएको जनाएको छ ।