धनगढी । पछिल्लो समयमा धनगढीको फूलबारी क्षेत्रमा चोरीका घटनाहरू दिनप्रतिदिन बढ्न थालेका छन्। धनगढी उपमहानगरपालिकाको फूलवारी क्षेत्रका वडा नम्बर १४, १८ र १९ नम्बर वडामा चोरीका घटनाहरु बढ्न थालेका हुन्।दिन प्रतिदिन चोरीका घटनाहरूमा वृद्धि भएपनि प्रहरीले भने चोरीमा संलग्नहरुलाई  पक्राउ गर्न नसकेको स्थानीयहरूले बताएका छन्।फुलबारी क्षेत्रमा एक इलाका प्रहरी कार्यालय र दुईवटा सशस्त्र बेस क्याम्पहरू छन्। तर चोरीका घटनाहरू बढे पनि सुरक्षाकर्मीहरूले नियन्त्रण गर्न नसकेको वडा नम्बर १९ का स्थानीय सत्यराज अधिकारीले बताए ।पछिल्लो एक महिनामा यस क्षेत्र (आई गाउँमा) पानी तान्ने मटर ३ वटा, (चानकेपार गाँउमा) १ वटा, र (दक्षिण लल्लीपुर गाँउमा) १ सेट सोलार पाइनल लगायत घरायसी सामानहरु चोरी भएको स्थानीय रामबहादुर चौधरीले उनले बताए ।प्रहरीले चोरी नियन्त्रण गर्न नसकेपछि  धनगढी १९ का स्थानीयहरुले  सशस्त्र  प्रहरी र नेपाल प्रहरीसंग छलफल गरि चाेरीका घटनाहरु नियन्त्रण गर्न अनुराेध गरेकाे वडा नम्बर १९ का सदस्य हरेन्द्र ऐडीले बताए ।